Дар Форуми байналмилалии сармоягузорӣ дар Хатлон 11 санади ҳамкорӣ ба имзо расид
ДУШАНБЕ, 26.11.2024 /АМИТ «Ховар»/. Дар шаҳри Кӯлоби вилояти Хатлон Форуми байналмилалии сармоягузории «Дурнамои рушди минтақаҳои озоди иқтисодӣ дар Ҷумҳурии Тоҷикистон» баргузор гардид. Дар он байни маъмурияти минтақаҳои озоди иқтисодӣ ва соҳибкорону сармоягузорони ватанию хориҷӣ ба маблағи умумии 49,8 миллион доллар 11 санади ҳамкорӣ ба имзо расонида шуд. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ хабар медиҳад.
Мақсади форум аз муаррифии имконияти сармоягузории минтақаҳои озоди иқтисодӣ, фароҳам овардани майдони муколамаи созанда ва мубодилаи афкору таҷриба бо мақомоти давлатӣ, сармоягузорони ватанию хориҷӣ, коршиносони байналмилалию миллии соҳавӣ ва шарикони рушд, баланд бардоштани ҷолибияти сармоягузорӣ дар ин минтақаҳо, ҷалби сармоя ва технологияи муосир, ба роҳ мондани тиҷорати электронӣ ва усулҳои иқтисоди «сабз» дар фаъолияти субъектҳои минтақаҳо иборат буд.
Дар доираи форум дар саҳни Донишгоҳи давлатии Кӯлоб ба номи Абуабдуллоҳи Рӯдакӣ молу маҳсулоти истеҳсоли субъектҳои хоҷагидори минтақаҳои озоди иқтисодии ҷумҳурӣ ба намоиш гузошта шуд.
Дар ҷаласаи пленарии форум аз ҷониби роҳбарони маъмурияти минтақаҳои озоди иқтисодӣ, намояндагони шарикони рушди мамлакат ва соҳибкорони муваффақ рӯнамоҳо вобаста ба масъалаҳои имконияти сармоягузории минтақаҳои озоди иқтисодӣ, рақамикунонии хизматрасонии давлатӣ барои субъектҳои минтақаҳои озоди иқтисодӣ, муаррифии прототипи онлайн-каталоги маҳсулоти истеҳсолшавандаи минтақаҳои озоди иқтисодӣ ва ба роҳ мондани стартапҳо ва тиҷорати электронӣ дар минтақаҳои озоди иқтисодии ҷумҳурӣ пешниҳод шуданд.
Иштирокчиёни форум бо фаъолият ва имконияти сармоягузории Минтақаи озоди иқтисодии «Кӯлоб» шинос шуданд.
АКС: Вазорати рушди иқтисод ва савдои Ҷумҳурии Тоҷикистон
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
