Дар Форуми иқтисодии СПЕКА-2024 масъалаҳои мубрами рушди «сабз» баррасӣ шуданд
ДУШАНБЕ, 26.11.2024 /АМИТ «Ховар»/. Имрӯз дар шаҳри Душанбе маросими ифтитоҳи чорабиниҳои сатҳи баланди Барномаи махсуси Созмони Милали Муттаҳид барои иқтисодиёти Осиёи Марказӣ «СПЕКА», аз ҷумла Шурои роҳбарикунанда ва Форуми иқтисодӣ дар мавзуи «Рушди «сабз» дар минтақаи СПЕКА» баргузор гардид. Дар ин хусус ба АМИТ «Ховар» дар Вазорати рушди иқтисод ва савдои ҷумҳурӣ хабар доданд.
Дар форум ҳайатҳои сатҳи баланди кишварҳои иштирокчии Барномаи махсуси Созмони Милали Муттаҳид барои иқтисодиёти Осиёи Марказӣ «СПЕКА», бахши хусусӣ ва созмонҳои байналмилалӣ иштирок намуданд.
Форум зиёда аз 100 мутахассиси соҳаи сиёсати давлатӣ оид ба самтҳои рушди иқтисоди «сабз», рақамикунонии бахшҳои иқтисоди миллӣ, рушди низоми устувори нақлиёт, ҷалби сармоягузории мутақобил ва содагардонии расмиёти савдоро дар минтақа ҷамъ овард.
Дар рӯзи аввали форум масъалаҳои мубрами рушди «сабз», истифодаи мақсадноки захираҳои обӣ, тағйирёбии иқлим ва қоҳиш додани оқибатҳои он, ҷорӣ намудани нақлиёти фарогир ва аз ҷиҳати экологӣ тоза, татбиқи ҳадафҳои рушди устувор, содагардонии расмиёти савдо, инчунин масъалаҳои рушди бахши энергетика мавриди баррасӣ қарор гирифтанд.
Дар маҷмуъ рӯзи аввали форум пурмаҳсул арзёбӣ гардида, иштирокчиён тавонистанд дар бораи масъалаҳои рӯзнома мубодилаи афкор намоянд.
Натиҷаҳои форум ба кишварҳои иштирокчии минтақаи Барномаи махсуси Созмони Милали Муттаҳид барои иқтисодиёти Осиёи Марказӣ «СПЕКА» имкон медиҳад, ки ҳамкории бисёрҷонибаро ба сатҳи нав бароварда, дар ҳалли вазифаҳои муҳим сиёсати ягонаро татбиқ намоянд.
АКС: Вазорати рушди иқтисод ва савдои Ҷумҳурии Тоҷикистон
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
