Дар Озарбойҷон ташаббусҳои Президенти Тоҷикистон дар самти ҳифзи пиряхҳо таъкид гардиданд
ДУШАНБЕ, 22.11.2024. /АМИТ «Ховар»/. Дар доираи Конфронси 29-уми ҷонибҳои Конвенсияи чорчӯбаи Созмони Милали Муттаҳид оид ба тағйирёбии иқлим COP-29, ки дар шаҳри Бокуи Ҷумҳурии Озарбойҷон идома дорад, аз ҷониби Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо роҳбарони ҳайатҳои ҷумҳуриҳои Озарбойҷон, Қатар ва Чин мулоқотҳои дуҷониба анҷом дода шуданд. Дар доираи онҳо оид ба муҳимтарин ташаббусҳои Президенти Ҷумҳурии Тоҷикистон муҳтарам Эмомалӣ Раҳмон барои ҳифзи пиряхҳо маълумот дода шуд.
Тавре ба АМИТ «Ховар» дар Кумитаи ҳифзи муҳити зисти ҷумҳурӣ хабар доданд, мулоқотҳо бо раиси COP-29 Мухтор Бабаев, вазири муҳити зист ва тағйирёбии иқлими Қатар доктор Абдуллоҳ бин Туркӣ Ал-Субай ва муовини вазири экология ва муҳити зисти Чин Чжао Юнгмин баргузор гардиданд.
Баҳодур Шерализода дар чаҳорчӯби ин вохӯриҳо ба ҳамтоёни худ оид ба муҳимтарин иқдоми Президенти Ҷумҳурии Тоҷикистон муҳтарам Эмомалӣ Раҳмон барои ҳифзи пиряхҳо маълумот дод. Иброз гардид, ки ин ташаббус аз ҷониби Маҷмаи Умумии Созмони Милали Муттаҳид дастгирӣ ёфта, дар қатъномаи дахлдор оид ба Соли байналмилалии ҳифзи пиряхҳо эълон намудани соли 2025 расман сабт шудааст.
Раиси Кумита оид ба ҷараёни омодагии Тоҷикистон ба Конфронси байналмилалии сатҳи баланд, ки моҳи майи соли 2025 пешбинӣ шудааст, маълумот дода, ҳайатҳои кишварҳои иштироккунандаро барои иштирок дар ин чорабинии муҳим даъват намуд.
Ин вохӯриҳо дар самти таҳкими ҳамкории байналмилалӣ дар соҳаи муҳити зист ва тағйирёбии иқлим қадами муҳим буда, аз пешсафии глобалии Тоҷикистон дар мавриди ташаббусҳои тағйирёбии иқлим ва об дарак медиҳанд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Тибқи Стратегияи рушди саноати нассоҷӣ дар Тоҷикистон беш аз 600 ҳазор ҷойи кор таъсис дода мешавад
Байни палатаҳои савдо ва саноати Тоҷикистону Қирғизистон Шурои корӣ таъсис дода мешавад
Тоҷикистон ва Қирғизистон дар соҳаи стандартизатсия ва метрология Созишнома ба имзо расониданд
Олимони соҳаи кишоварзии Тоҷикистон ва Қирғизистон ҳамкориро тақвият мебахшанд
Дар Нахустин Форуми байналмилалии нассоҷӣ байни ширкатҳои Тоҷикистон, Озарбойҷон ва Узбекистон созишномаҳои ҳамкорӣ ба имзо расиданд
Дар мавсими имсола IRS 100 километр роҳро таъмири ҷорӣ менамояд
Дар Душанбе Форуми иқтисодӣ ва сармоягузории Тоҷикистону Қирғизистон ҷараён дорад
Бонки Осиёии рушд барои дастгирии занони деҳот дар вилояти Хатлон лоиҳаҳо амалӣ менамояд
«Стратегияи ҷалби сармоя ба Ҷумҳурии Тоҷикистон барои давраи то соли 2040» қабул гардид
Дар Душанбе нахустин Форуми байналмилалии нассоҷӣ ва Намоишгоҳи таҷҳизот ва маҳсулоти нассоҷӣ оғоз гардид
Тоҷикистон ва Қирғизистон тасмим гирифтаанд, ки ҳаҷми савдоро то ба 500 миллион доллар расонанд
Пагоҳ дар Душанбе нахустин Форуми байналмилалии нассоҷӣ оғоз меёбад
