Дар шаҳри Хоруғ корхонаи коркарди партовҳо аз маводи пластикӣ ва коғазу оҳан бунёд мегардад
ХОРУҒ, 24.11.2024. /АМИТ «Ховар»/. Бо татбиқи лоиҳаи «Идоракунии партовҳои сахти маишӣ» бо ибтикори Мақомоти иҷроияи ҳокимияти давлатии шаҳри Хоруғ вазъи экологӣ дар ҳудуди шаҳр пурра тағйир ёфта, барои тозаву озода нигоҳ доштани хиёбону кӯчаҳои шаҳр шумораи партовгоҳҳо ба 37 адад расонида шуд. Дар аксар кӯчаҳо ҳамчунин 100 қуттии муосир барои ҷамъкунии партовҳои пластикӣ, полиэтиленӣ ва коғаз гузошта шуд. Бо бунёди корхонаи коргарди партовҳо аз маводи пластикӣ, коғазу оҳан ва шиша вазъи экологӣ дар шаҳр боз ҳам беҳтар мегардад, хабар додааст мухбири минтақавии АМИТ «Ховар» Файз Мирасан.
Мутобиқи маълумоти оморӣ, аз тарафи Корхонаи хоҷагии манзилию коммуналии шаҳри Хоруғ давоми рӯз аз 38 то 42 метри мукааб партови сахти маишӣ бароварда шуда, ба мавзеи Вируйҷак, ки дар масофаи 15 километр дуртар аз ҳудуди шаҳр ҷойгир аст, интиқол дода мешавад.
Бо мақсади беҳтар гардидани вазъи санитарию эпидемиологии шаҳр ва баланд бардоштани сифати хизматрасонии коммуналӣ, беҳтар намудани ҳолати санитарию гигиенӣ ва ободонӣ дар мавзеи Теми шаҳри Хоруғи Вилояти Мухтори Кӯҳистони Бадахшон корхонаи коркарди партов аз маводи пластикӣ, коғазу оҳан ва шиша бунёд мегардад. Дарозии бино 12 метрро ташкил дода, паҳноии он 10 метр мебошад.
Сохтмони биноро коргарони Ҷамъияти масъулияти маҳдуди «Дастони тиллоӣ» бар уҳда гирифта, қисми бетонрезӣ дар таҳкурсии бино ба анҷом расидааст. Коргарон бо истифода аз маҳлули махсус бар зидди намӣ зербиноро қавӣ намуда, ба хиштчинӣ омода мешаванд. Ҳоло сарфи назар аз фарорасии сардӣ корҳои сохтмонӣ дар ин иншоот идома доранд. Коргарон бе ягон таъхир бо масолеҳи зарурии сохтмонӣ таъмин шуда, бетонро дар худи майдончаи сохтмонӣ омода менамоянд.
Ба иттилои масъулини сохтмон, корҳои хиштчинӣ, андовакунӣ ва васлу насби дару тирезаҳо то моҳи апрели соли оянда идома ёфта, дар ҳамин моҳ ин иншооти барои шаҳри Хоруғ хеле муҳим ба истифода дода мешавад.
АКС: АМИТ «Ховар»
Масъалаи истифодаи технологияҳои нав дар раванди истеҳсолот баррасӣ карда шуд
Масоили рушди ҳамкорӣ дар соҳаи саноат байни Тоҷикистон ва Арабистони Саудӣ баррасӣ гардид
Ҳайати Тоҷикистон дар иҷлосияи 21-уми Конфронси кулли Созмони рушди саноати СММ иштирок менамояд
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷаббор Расулов ба таври фосилавӣ 6 иншооти истеҳсолию хизматрасониро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Истаравшан корхонаи мебели ҶДММ «Асри обод»-ро ба истифода доданд
Пешвои миллат Эмомалӣ Раҳмон дар шаҳри Истаравшан корхонаи истеҳсолии обҳои шифобахши «Хаватаг»-ро ба истифода доданд
Пешвои миллат Эмомалӣ Раҳмон дар шаҳри Истаравшан корхонаи бастубанди маҳсулоти маишию техникии ҶДММ «Файз Нур-ТВ»- ро ифтитоҳ намуданд
