Дар шаҳри Кӯлоб бо иштироки гурӯҳҳои корӣ ҷаласа баргузор шуд
ДУШАНБЕ, 22.11.2024. /АМИТ «Ховар»/. Дар Мақомоти иҷроияи ҳокимияти давлатии шаҳри Кӯлоб бо иштироки гурӯҳҳои кории шаҳру ноҳияҳои минтақаи Кӯлоб ҷаласа доир гардид, ки дар он масъалаи тақвияти чорабиниҳои маърифатӣ-ҳуқуқӣ ҷиҳати пешгирӣ аз шомилшавии ҷавонон ба ҳизбу ҳаракат ва гурӯҳҳои ифротӣ, ҳифзи арзишҳои миллӣ, нигаҳдошти солимии хонаводаҳо ва ҷомеа, тарбияи дурусти фарзандон, аз байн бурдани дигар зуҳуроти халалдоркунандаи манфиатҳои давлату миллат баррасӣ гардиданд. Дар ин хусус АМИТ «Ховар» бо истинод ба Раёсати Вазорати корҳои дохилӣ дар вилояти Хатлон хабар медиҳад.
Дар ҷаласа сардори Раёсати Вазорати корҳои дохилӣ дар вилояти Хатлон Шариф Назарзода иброз дошт, ки «ҳадафи ҷамъомади имрӯза ин натиҷабардорӣ аз рафти иҷрои қарори Раиси вилояти Хатлон аз 8 апрели соли 2024 вобаста ба таъсиси гурӯҳҳои корӣ доир ба тақвияти чорабиниҳои маърифатӣ-ҳуқуқӣ ҷиҳати пешгирӣ аз шомилшавии ҷавонон ба ҳизбу ҳаракат ва гурӯҳҳои ифротӣ, ҳифзи арзишҳои миллӣ, нигаҳдошти солимии хонаводаҳо ва ҷомеа, тарбияи дурусти фарзандон дар ҳудуди оила ва омода намудани фарзандон ба ҳаёти мустақилона мебошад».
Шариф Назарзода бо овардани далелҳои мушаххас аз ҷараёни тафтиши парвандаҳои ҷиноятӣ иброз намуд, ки фаъолияти якҷояи мақомоту идораҳо ва институтҳои шаҳрвандӣ, ҳамчунин фаъолияти гурӯҳҳои корӣ бо усули «хона ба хона» ба пешгирии зуҳуроти номатлуб дар шаҳру ноҳияҳои Хатлон мусоидат намуда, баргузории чорабиниҳои фаҳмондадиҳӣ ва маърифатӣ-ҳуқуқӣ ба баланд бардоштани маърифати ҳуқуқии сокинон мусоидат намуд.
Дар ҷаласа таъкид шуд, ки фаъолияти якҷояи гурӯҳҳои кории мақомоти маҳаллии ҳокимияти давлатии шаҳру ноҳияҳо бо милитсия ҷиҳати боз ҳам тақвият бахшидани ҳамкорӣ бо мардум, баланд бардоштани ҳуввияти миллии наврасону ҷавонон, тарбияи онҳо дар рӯҳияи ватандӯстиву худшиносӣ ва ифтихори миллӣ, эмин нигоҳ доштани суннатҳои ниёгон ва оинҳои миллӣ, пешгирии пошхӯрии оилаҳои ҷавон, тарғибу ташвиқи либоси миллӣ ва аз байн бурдани тақлид ба фарҳанги бегона мусоидат намуд.
АКС: Раёсати Вазорати корҳои дохилӣ дар вилояти Хатлон
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
