Дар Тоҷикистон ҷарроҳони чинӣ кӯдакону наврасонро аз ташхиси ройгон гузарониданд
ДУШАНБЕ, 28.11.2024 /АМИТ «Ховар»/. 27 ноябр дар Маркази ташхисию табобатии «Чину Тоҷик» дар Тоҷикистон кӯдакону наврасоне, ки бемории нуқсони модарзодии дил доранд, аз ташхиси ройгон гузаронида шуданд. Ҳамзамон даҳ нафар кӯдакону наврасони то 10-сола, ки бемории нуқсони модарзодии дил доранд, ба таври ройгон ҷарроҳӣ карда мешаванд, иттилоъ медиҳад АМИТ «Ховар».
Аз байни ин беморон кӯдакони оилаҳое, ки имконияти гузаронидани амалиёти ҷарроҳии дилро надоранд, дар Ҷумҳурии Мардумии Чин ба таври ройгон ҷарроҳӣ карда мешаванд. Инчунин он кӯдаконе, ки ба ин беморӣ гирифтор ҳастанд, бо ҷалби мутахассисони Тоҷикистон ва Чин дар мамлакат ҷарроҳӣ карда мешаванд.
Сардухтури беморхонаи ноҳияи Синсзяни Ҷумҳурии Мардумии Чин, ҷарроҳ Пан Дунмин иброз намуд, ки ҳадаф аз ин иқдом табодули таҷриба ва пешгирии зиёдшавии бемориҳои нуқсони модарзодии дил дар байни кӯдакону наврасон мебошад.
«Мо дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тасмим гирифтаем, ки бо марказҳои тиббии пойтахт шинос шуда, муассисаҳои тиббиро бо таҷҳизоти муосири ҷарроҳӣ таъмин намоем. Зеро сол то сол дар ҷаҳон шумораи кӯдаконе, ки бо бемории нуқсони модарзодии дил таваллуд мешаванд, меафзояд. Ҳамзамон мо роҳҳои пешгирӣ ва сабабҳои ин бемориро муайян менамоем»,- гуфт Пан Дунмин.
Маркази ташхисию табобатии «Чину Тоҷик» тасмим гирифтааст, ки соли 2025 низ дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон зиёда аз даҳ нафар кӯдакони то 10-соларо, ки бемориҳои нуқсони модарзодии дил доранд, ройгон ҷарроҳӣ намояд.
Бемории модарзодии дил нуқсоне аст, ки аз рӯзи таваллуд дар дил мавҷуд аст. Камбудӣ метавонад ба рагҳои хун, клапанҳо ва девораҳои дил таъсир расонад. Зеро нуқсонҳои модарзодӣ иллату осебҳое мебошанд, ки бинобар сабаби ихтилофи инкишофи организм ҳангоми дар батни модар будани тифл ба вуҷуд меоянд.
Ба иттилои мутахассисони соҳаи тиб, яке аз омилҳои ҳанӯз дар батни модар ба ин беморӣ гирифтор шудани тифлон- ин омили генетикӣ, яъне никоҳи хешутаборӣ аст, ки сабаби паҳншавии нуқсонҳои модарзодӣ мегардад. Омили дигар- бемориҳои сироятӣ мебошанд. Агар падар ё модар дорои бемориҳои сироятии ситомегаловирус, вируси одии герпесӣ ё токсоплазмоз бошад, он метавонад сабаби пайдоиши нуқсонҳои модарзодӣ гардад.
Ҳамчунин гуфта шуд, ки нуқсони модарзодии системаи асаб, нуқсони модарзодии дил, чураи ҳароммағз, атрезияи сурхрӯда, атрезияи сӯрохии маъбад ва синдроми дауна нуқсонҳои модарзодие мебошанд, ки дар ҷаҳон бештар вомехӯранд.
АКС: АМИТ «Ховар»
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
