Дар Тоҷикистон Барномаи «Маблағгузории занҷираи арзиши агросектор» ҷамъбаст гардид
ДУШАНБЕ, 21.11.2024 /АМИТ «Ховар»/. 20 ноябр дар Вазорати рушди иқтисод ва савдо вохӯрии ҷамъбастии Барномаи «Маблағгузории занҷираи арзиши агросектор» бо иштироки муовини Вазири рушди иқтисод ва савдо Аҳлиддин Нуриддинзода, намояндагони Сафорати Олмон дар Тоҷикистон ва Бонки олмонии рушд (KfW) баргузор гардид, хабар медиҳад АМИТ «Ховар» бо истинод ба ин ниҳод.
Дар вохӯрӣ Аҳлиддин Нуриддинзода ба намояндагони Ҳукумати Олмон ва Бонки олмонии рушд барои саҳми арзанда дар ин барнома изҳори сипос намуда, иброз дошт, ки таҳти роҳбарии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рушди соҳаи кишоварзӣ яке аз самтҳои афзалиятноки сиёсати иқтисодии Ҳукумати мамлакат муайян гардидааст.
Инчунин иброз гардид, ки ин барнома аз оғоз дар моҳи майи соли 2021 панҷ муассисаи молиявии хурди Тоҷикистонро дастгирӣ карда, ба тақвияти занҷираҳои арзиши иловашуда дар кишоварзӣ ва дастгирии корхонаҳои хурду миёнаи маҳаллӣ мусоидат намуд.
Таъкид гардид, ки барнома тавонист дастрасии деҳқонон ба захираҳои молиявӣ беҳтар намуда, рушди устувори иқтисодиро дар минтақаҳои деҳот таъмин созад. Ҳамчунин барои ҳамкорӣ дар соҳаҳои дигар ва тақвияти ҳамкорӣ бо Бонки олмонии рушд изҳори омодагӣ карда шуд.
АКС: Вазорати рушди иқтисод ва савдои Ҷумҳурии Тоҷикистон
Муовини Сарвазири Тоҷикистон бо Вазири девони амирии Давлати Кувайт мулоқот намуд
Дар ноҳияҳои вилояти Хатлон ҷамъоварии маҳсулоти полезӣ оғоз гардид
Дар Душанбе ҷаласаи XI Шуро оид ба сиёсати саноатии кишварҳои иштирокдори ИДМ баргузор мегардад
Ҳайати Тоҷикистон дар конфронси минтақавии иқлимӣ дар Ашқобод иштирок намуд
Масъалаи татбиқи лоиҳаи «Асосҳои рақамикунонии Тоҷикистон» баррасӣ гардид
Дар Душанбе ҷаласаи гурӯҳҳои кории муштараки давлатҳои аъзои тарҳи «CASA-1000» баргузор гардид
Дар Маркази таълимии Бонки миллии Тоҷикистон ҷаласаҳои гурӯҳи кории AFI, DFSWG ва FISPLG баргузор шуданд
Масъалаи кушодани парвозҳо дар масири Душанбе-Пекин ва Душанбе-Сиан баррасӣ шуд
Ҳамкории Тоҷикистон бо Фонди кувайтии рушди иқтисодиёти Араб баррасӣ шуд
Дар Тоҷикистон беш аз 3 ҳазор тонна маҳсулоти макаронӣ истеҳсол гардидааст
Муовини Сарвазири Тоҷикистон дар ноҳияи Мастчоҳ бо ҳолати заминҳои кишоварзӣ ва вазъи обрасонӣ шинос шуд
Дар ноҳияи Ҷаббор Расулов 9 анбор барои захираи пиёз фаъолият доранд
