Намояндагони Тоҷикистон ва Малайзия таъсиси платформаҳои муштаракро барои содирот ва воридот баррасӣ намуданд
ДУШАНБЕ, 20.11.2024 /АМИТ «Ховар»/. 18 ноябр дар доираи сафари кории ҳайати мамлакат барои тавсеа ва таҳкими ҳамкории дуҷонибаи Ҷумҳурии Тоҷикистон бо кишварҳои Осиёи Ҷанубу Шарқӣ мулоқоти Раиси Кумитаи давлатии сармоягузорӣ ва идораи амволи давлатӣ Султон Раҳимзода ва Вазири саноат ва технологияҳои нави Ҷумҳурии Тоҷикистон бо муовини Сарвазири Малайзия Юсуф Фадиллаҳ баргузор гардид. Зимни он доираи васеи масъалаҳои густариши ҳамкории сармоягузорӣ, таъсиси платформаҳои муштарак барои содирот ва воридот мавриди муҳокима қарор гирифт. Дар ин хусус ба АМИТ «Ховар» дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар доданд.
Ҷонибҳо барои густариши ҳамкории сармоягузориву тиҷоратӣ, инчунин ҷалби сармоя ба соҳаҳои афзалиятноки мамлакат, ба монанди энергетика, кишоварзӣ ва дигар соҳаҳои инфрасохторӣ изҳори ҳавасмандӣ намуданд.
Ҳамзамон 17 ноябр мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода ва Вазири саноат ва технологияҳои нави Ҷумҳурии Тоҷикистон Шералӣ Кабир бо валиаҳди Салтанати Негери Сембилани Малайзия Тунку Али Резауддин баргузор гардид.
Дар вохӯрӣ масъалаҳои марбут ба ҳолати кунунӣ ва дурнамои густариши ҳамкории Тоҷикистон ва Малайзия дар заминаҳои иқтисодӣ, тиҷоратӣ, сармоягузорӣ, энергетикӣ, сайёҳӣ, кишоварзӣ, саноат, инчунин дигар мавзуъҳои муштарак дар чаҳорчӯби рушди минтақаҳои ду давлат мавриди баррасӣ қарор гирифтанд.
Ҷонибҳо бо изҳори омодагӣ ба рушди ҳамкорӣ таъкид намуданд, ки минбаъд низ муносибатҳои тиҷоратию сармоягузорӣ таҳким бахшида мешаванд. Ҳамкорӣ дар соҳаҳои технологияи иттилоотӣ ва инноватсия, аз ҷумла мубодилаи таҷриба дар ин самт муҳим арзёбӣ гардид.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
