РӮЗҲОИ СИНАМОИ БЕЛАРУС. Филми «Орзуи қаҳрамон» дар бораи яке аз қаҳрамонҳои миллии Беларус қисса намуд
ДУШАНБЕ, 26.11.2024. /АМИТ «Ховар»/. Имрӯз дар доираи баргузории Рӯзҳои синамои Беларус дар Тоҷикистон дар кинотеатри ба номи Тоҳир Собиров филми мустанади «Орзуи қаҳрамон» намоиш дода шуд.
Тавре мухбири АМИТ «Ховар» хабар медиҳад, филм дар бораи яке аз чемпионҳои миллии Ҷумҳурии Беларус аз намуди гӯштини тарзи озод Александр Медвед қисса мекунад.
Филм тарғибгари тарзи ҳаёти солим буда, ҳисси ватандӯстии қаҳрамонро инъикос намудааст.
Муовини якуми директори Муассисаи давлатии «Тоҷикфилм» Толиб Ғайбуллозода иброз дошт, ки баргузории чунин чорабиниҳо барои ба ҳам овардани мутахассисони соҳа, махсусан синамогарон мусоидат мекунад. Он имконият фароҳам меорад, ки филмҳои муштарак бештар таҳия гарданд.
«Имсол маротибаи дуюм аст, ки Рӯзҳои синамои Беларус дар Тоҷикистон баргузор мегарданд. Синамогарони Беларус дар доираи Синамоҷоизаи миллии «Тоҷи Сомон» 19 октябри соли равон филмҳои ҳунарии худро ба дӯстдорони синамои Беларус пешниҳод намуданд, ки аз ҷониби тамошобинон хуб қабул шуданд»,- гуфт Толиб Ғайбуллозода.
Ҳунарманди Театри давлатии ҷавонони Тоҷикистон ба номи Маҳмудҷон Воҳидов Ғолиб Исломов намоиши филмҳои дигар давлатҳо дар Тоҷикистон ва филмҳои Тоҷикистонро дар дигар давлатҳо такони ҷиддӣ дар рушди синамои тоҷик арзёбӣ намуд.
«Ҳангоми тамошои ин гуна филмҳои сатҳи баланд мо, ҳунармандон дар фаъолияти ҳунариямон бештар эҳсоси масъулият мекунем»,-иброз дошт Ғолиб Исломов.
Ба андешаи ин ҳунарманд, ҷавонони соҳибкасб бояд ба чунин чорабиниҳо бештар ҷалб шаванд, то тавонанд дар оянда бо диди муосир филмҳои сатҳи ҷаҳонӣ ба навор гиранд.
Имрӯз, соати 17:00 филми тасвирии «Суруди Сирен» намоиш дода мешавад.
Ҳамчунин имрӯз бо иштироки коргардони филмҳои тасвирӣ ва филмноманавис Елена Турова барои хоҳишмандон дар Мактаби синамогарони ҷавон «Навомӯз», Донишкадаи давлатии фарҳанг ва санъати Тоҷикистон ба номи Мирзо Турсунзода ва Донишгоҳи славянии Русия ва Тоҷикистон дарсҳои «Устод ва шогирд» баргузор мегарданд.
Ёдовар мешавем, ки Рӯзҳои синамои Беларус аз 25 то 27 ноябри соли равон гузаронида мешаванд.
Моҳинави НАВРӮЗ,
АМИТ «Ховар»
АКС: АМИТ «Ховар»
Имрӯз дар Душанбе рӯзҳои фарҳанги шаҳри Кӯлоб ва ноҳияҳои Зафарободу Абдураҳмони Ҷомӣ баргузор мегарданд
Ҳамкории Китобхонаи миллии Тоҷикистон ва Донишгоҳи Ҳанкуки Кореяи Ҷанубӣ густариш меёбад
Дар Душанбе рӯзҳои фарҳанги шаҳрҳои Кӯлоб, Хуҷанд, Левакант ва ноҳияҳои Зафаробод, Абдураҳмони Ҷомӣ ва Темурмалик доир мегарданд
Моҳи октябр дар Душанбе сеюмин Синамоҷашнвораи миллии «Тоҷи Сомон» баргузор мешавад
Дар ёдгории таърихии замони Кушониён- Сайёд корҳои таҳқиқотӣ-бостоншиносӣ оғоз ёфтанд
Дар Рӯзи фарҳанги шаҳри Истаравшан ганҷинаи нотакрори ҳунар пешниҳоди сокинони пойтахт гардид
Дар Душанбе Рӯзи фарҳанги ноҳияҳои Дӯстӣ ва Носири Хусрав баргузор гардид
«ДУРАХШИ АХТАРОН: ҶОМӢ ВА НАВОӢ». Филм дар арафаи ҷашни Истиқлоли давлатии Тоҷикистон намоиш дода мешавад
Таҳти унвони «Аз ёдҳо фарёдҳо» китоби Садриддин Ҳасанзода нашр гардид
Дар Душанбе рӯзҳои фарҳанги шаҳри Истаравшан ва ноҳияҳои Дӯстӣ ва Носири Хусрав баргузор мешаванд
Рӯзи фарҳанги ноҳияи Мастчоҳ шукуҳманд таҷлил карда шуд
Рӯзи фарҳанги ноҳияи Фархор бо шаҳомати хос баргузор гардид
