Ҷаласаи сеюми гурӯҳи кории Тоҷикистон ва Русия оид ба татбиқи Созишнома байни Ҳукумати Ҷумҳурии Тоҷикистон ва Ҳукумати Федератсияи Русия доир гардид
ДУШАНБЕ, 30.12.2024 /АМИТ «Ховар»/. Масъалаҳои ҳифз ва истифодаи оқилонаи захираҳои об дар ҷаласаи сеюми гурӯҳи кории Тоҷикистон ва Русия оид ба татбиқи Созишнома байни Ҳукумати Ҷумҳурии Тоҷикистон ва Ҳукумати Федератсияи Русия оид ба ҳамкорӣ дар соҳаи ҳифзи муҳити зист, ки ба таври маҷозӣ баргузор гардид, баррасӣ шуданд, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия оид ба ҳамкорӣ дар соҳаи ҳифзи муҳити зист 27 феврали соли 2017 дар шаҳри Душанбе ба имзо расид.
Дар ҷаласаи гурӯҳи корӣ масъалаҳои марбут ба ҳамкорӣ дар соҳаи рушди низоми минтақаҳои табиии махсус муҳофизатшаванда ва ҳифзи гуногунии биологӣ, тарбия ва маърифати экологӣ, табодули таҷриба дар масъалаи пешбурди китобҳои сурхи миллӣ, таҳкими ҳамкорӣ байни институтҳои илмӣ-таҳқиқотӣ ва масъалаҳои ҳифзи муҳити зист баррасӣ гардиданд.
Ҷумҳурии Тоҷикистон ҳайати Русияро барои иштирок дар Конфронси байналмилалии сатҳи баланд оид ба ҳифзи пиряхҳо, ки моҳи майи соли 2025 дар шаҳри Душанбе баргузор мегардад, даъват намуд. Интизор меравад, ки ҷаласаи навбатии гурӯҳи корӣ дар доираи конфронси байналмилалии сатҳи баланд оид ба ҳифзи пиряхҳо баргузор гардад.
Дар анҷом ҷонибҳо оид ба таҳкими ҳамкории дуҷониба дар соҳаи ҳифзи муҳити зист ва тақвияти ҳамкории судманд ибрози назар намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
