Қасри фарҳанги ноҳияи Шамсиддини Шоҳин ба номи Давлатманд Хол гузошта шуд
ДУШАНБЕ, 15.12.2024. /АМИТ «Ховар»/. Қасри фарҳанги ноҳияи Шамсиддини Шоҳин ба номи Давлатманд Хол гузошта шуд. Чунин тасмим зимни баргузории иҷлосияи бистуми Маҷлиси вакилони халқи вилояти Хатлон, даъвати шашум гирифта шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хаабар медиҳад.
Номгузории Қасри фарҳанги ноҳияи Шамсиддини Шоҳин ба номи Давлатманд Хол ба хотири арҷ гузоштан ва поси хотири Ҳофизи халқии Тоҷикистон, дорандаи Ҷоизаи давлатии ба номи устод Абӯабдулло Рӯдакӣ, профессори Консерваторияи миллии Тоҷикистон, узви Иттифоқи композиторони Тоҷикистон ва иштирокчии даҳҳо фестивалҳои минтақавию байналмилалӣ устод Давлатманд Хол мебошад.
Давлатманд Хол дар ҷодаи мусиқӣ ва санъат яке аз нобиғаҳои барҷастаи Шарқ ба шумор рафта, давоми умри бобаракат оҳангҳои зиёди руҳбахш эҷод намуд. Ӯ мактаби бузурги фалаксароиро ривоҷу равнақ бахшид, шогирдони зиёдеро дар ҷодаи санъат ба воя расонида, аз хеш номи неку ҳунари воло ба мерос гузошт.
Устод Давлатманди Хол дар рушди ҳунари хунёгарӣ, оҳангсозӣ, сарояндагӣ ва умуман фарҳанги миллии тоҷик саҳми арзишманд ва бориз гузоштааст. Мавсуф барои ҷаҳонишавии жанри фалак заҳмати бунёдӣ кашида, дар тарғиби он саҳми сазовор гузоштааст, зеро аз нухбагони ҳунари мардумии овозхонӣ ва оҳангсозӣ пазируфта шуда буд.
Мавсуф дар тарғибу ташвиқи каломи ҳунарии манзуми оламгири миллати тоҷик хизмати мондагор анҷом додааст. Илова бар он, ҳунарвар соҳибмактаби ин ҷода буд. Ҳамчунин маҳз бо саъй ва талошҳои пайвастаи Давлатманд Хол мактаби жанри фалаксароии миллӣ на танҳо дар минтақа, балки берун аз он шуҳрати хосса касб намуд. Маҳз тавассути заҳматҳои шабонарӯзии ин симои ҳунарӣ зумрае аз шогирдони ӯ рӯйи кор омаданд, ки ҳар кадоме аз онҳо ҳоло дар мактаби фалаксароии миллӣ соҳибэътибор мебошанд. Ӯ борҳо дар Ҷумҳурии Исломии Эрон, Фаронса, Амрико, Голландия, Англия, Ҳиндустон, Покистон бо ҳунари фалаксароияш толорро ба ваҷд оварда, номи тоҷику Тоҷикистонро баланд бардошта буд.
АКС: Хадамоти матбуоти Раиси вилояти Хатлон
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
