Дар Донишкадаи давлатии санъати тасвирӣ ва дизайни Тоҷикистон намоиши корҳои эҷодии магистрантон ифтитоҳ шуд
ДУШАНБЕ, 02.12.2024 /АМИТ «Ховар»/. 28 ноябр дар Донишкадаи давлатии санъати тасвирӣ ва дизайни Тоҷикистон намоиши корҳои эҷодии магистрантон ифтитоҳ гардид, хабар доданд ба АМИТ «Ховар» дар ин донишгоҳ.
Дар намоиш маҷмуи корҳои курсӣ, синфӣ ва эҷодии магистрантони ихтисосҳои дизайни костюм ва газвор, манзаранависӣ, санъати ороиши амалӣ ва дизайни дохили бино, дар маҷмуъ 50 кори эҷодӣ ҳамчун маҳсули заҳмати шогирдони бахш ба маърази тамошо гузошта шуд.
Зимни намоиш иброз шуд, ки имрӯз дар бахши магистратура, аспирантура ва докторантураи донишкада 51 магистрант ба омӯзиш фаро гирифта шудааст. Дар ин бахш барои пешбурди фаъолияти таълимӣ, илмӣ ва эҷодии магистрантон беҳтарин мутахассисони варзида ва саршиноси соҳаи санъати тасвирӣ ва дизайн, аз қабили арбобони ҳунари Тоҷикистон, докторони илм, профессорон, номзадони илм, дотсентон ва муаллимони калон ҷалб гардида, дар тарбия, роҳбаладӣ ва роҳнамоии магистрантон дар самти илму эҷод саҳм мегузоранд.
Дар натиҷаи заҳматҳои софдилона ва содиқонаи ҳайати профессорону омӯзгорони донишкада давоми ду соли охир зиёда аз 20 магистрант дар Озмуни ҷумҳуриявии «Тоҷикистон-Ватани азизи ман» иштирок намуда, 10 нафар сазовори ҷойҳои ифтихорӣ, аз ҷумла «Шоҳҷоиза»-и озмун гардиданд.
Намоиши корҳои эҷодӣ то 15 декабр идома меёбад.
АКС: Донишкадаи давлатии санъати тасвирӣ ва дизайни Тоҷикистон
Маърузаи олими тоҷик доир ба ҳифз ва рушди анъанаҳои миллии фарҳанг ва санъат дар ҷаҳон соҳиби ҷоизаи махсус гардид
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
Дӯстӣ пойдор бошад, комёбиҳо бештар мегарданд. Эҳдо ба Рӯзи байналмилалии дӯстӣ
