Дар Душанбе ҳамоиши кормандони ҷавони соҳаи ҳолатҳои фавқулода ва мудофиаи гражданӣ доир шуд
ДУШАНБЕ, 16.12.2024. /АМИТ «Ховар»/. Дар шаҳри Душанбе ҳамоиши кормандони ҷавони соҳаи ҳолатҳои фавқулода ва мудофиаи гражданӣ баргузор гардид. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Пеш аз оғози ҳамоиш муосиртарин дастовардҳои техникию инноватсионии соҳаи ҳолатҳои фавқулода ва мудофиаи граждании мамлакат ба намоиш гузошта шуд.
Раиси Кумитаи кор бо ҷавонон ва варзиш вобаста ба Истиқлоли давлатӣ ва саҳми ҷавонон барои расидан ба дастовардҳои назаррас дар ин давраи таърихӣ ибрози андеша намуд. Таъкид шуд, ки давоми солҳои соҳибистиқлолии мамлакат бо талошу дастгириҳои Президенти Ҷумҳурии Тоҷикистон муҳтарам Эмомалӣ Раҳмон нақши ҷавонон дар сиёсат, рушди соҳаҳои низомӣ, иҷтимоӣ, иқтисодӣ ва фарҳангӣ баръало эҳсос мегардад.
Дар ҳамоиш маърузачиён доир ба дастовардҳои ҷавонон дар замони соҳибистиқлолии мамлакат, пешгирии ҳамроҳшавии онҳо ба ҳизбу ҳаракатҳои террористию экстремистӣ ва дигар мавзуъҳои мубрам сухан гуфтанд. Аз ҳозирин даъват шуд, ки бо шукргузорӣ аз фазои сулҳу субот ва якпорчагии Ватан дар пешрафту шукуфоӣ, ободӣ ва ояндаи дурахшони Тоҷикистон саҳми арзанда гузоранд ва ифтихори наслҳои оянда бошанд.
Дар фарҷом барои меҳнати софдилона ва ноил гардидан ба натиҷаҳои назарраси корӣ як зумра кормандони ҷавони Кумитаи ҳолатҳои фавқулода ва мудофиаи гражданӣ бо «Сипоснома»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
Имрӯз дар Тоҷикистон ҳаво то 28 дараҷа гарм мешавад
Имрӯз дар шаҳри Душанбе ҳаво то 27 дараҷа гарм мешавад
Дар Лахш барои фаъолияти самарабахш дар давраи тирамоҳу зимистон беш аз як миллион сомонӣ маблағ ҷудо гардидааст
Чӣ тавр тарофаро дар якчанд дақиқа метавон фаъол кард?
Имрӯз дар водиҳои Тоҷикистон ҳаво то 24 дараҷа гарм мешавад
50 ҳазор аҳолии ноҳияи Абдураҳмони Ҷомӣ бо оби тозаю безарари нӯшокӣ таъмин мегарданд
Ба Маркази омӯзиши пиряхҳои Академияи миллии илмҳои Тоҷикистон таҷҳизоти нави озмоишӣ дастрас карда шуд
