Дар Душанбе оид ба рақамикунонии иқтисодиёт ҳамчун омили рушди устувор конференсияи байналмилалӣ доир шуд
ДУШАНБЕ, 19.12.2024 /АМИТ «Ховар»/. Дар Донишгоҳи давлатии молия ва иқтисоди Тоҷикистон бахшида ба Солҳои рушди саноат ва Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф дар мавзуи «Рақамикунонии иқтисодиёт-омили рушди устувор» конференсияи илмӣ-амалии байналмилалӣ баргузор шуд. Дар ин хусус АМИТ «Ховар» бо истинод ба ин донишгоҳ хабар медиҳад.
Дар конференсия муовини ректор оид ба робитаҳои байналмилалии Донишгоҳи давлатии молия ва иқтисод Баҳром Сафаров иброз дошт, ки яке аз омилҳои асосие, ки ба суръатбахшии рушди иқтисодии Ҷумҳурии Тоҷикистон таъсир мерасонад, ин рушди технологияҳои рақамӣ мебошад. Тоҷикистон дар марҳилаи нави иқтисоди рақамӣ қарор дошта, тадбирҳои муассирро барои гузариш ба рақамикунонии иқтисодиёт дар соҳаҳои гуногуни ҷумҳурӣ амалӣ менамояд. Рушд ёфтани технологияҳои рақамӣ дар Тоҷикистон барои расидан ба ҳама Ҳадафҳои рушди устувор аҳамияти муҳим дорад.
Намояндаи Раёсати гузариш ба низоми рақамии Агентии инноватсия ва технологияҳои рақамии назди Президенти Ҷумҳурии Тоҷикистон Файзулло Ёров иброз намуд, ки «солҳои охир рушд бахшидани иқтисоди рақамӣ ба яке аз ҳадафҳои муҳими Ҳукумати Ҷумҳурии Тоҷикистон табдил ёфтааст. Барои фароҳам овардани рушди устувори иқтисодӣ ва баланд бардоштани рақобатпазирии Ҷумҳурии Тоҷикистон васеъ ҷорӣ намудани технологияҳои рақамӣ тақозои замон буда, яке аз масъалаҳои мубрам ба ҳисоб меравад. Зеро рақамикунонии иқтисодиёт имкон медиҳад, ки шакли муосири рушди иқтисодӣ таҳияву татбиқ ва сармояи байналмилалӣ ҷалб карда шавад».
Дар конференсия инчунин намояндагони Корхонаи воҳиди давлатии «Маркази рақамикунонии соҳаи нақлиёти Вазорати нақлиёт», Донишгоҳи давлатии иқтисоди Урал ва Донишгоҳи давлатии иқтисодии Тошканд дар мавзуъҳои «Рақамикунонии роҳу нақлиёти Ҷумҳурии Тоҷикистон», «Таҳлили номгӯи самтҳои афзалиятноки Русия дар соҳаи технологияҳои компютерӣ ва аҳамияти байналмилалии онҳо» ва «Табдилёбии модели рушди саноат дар шароити рақамикунонии иқтисодиёт» ба тариқи ҳузурӣ ва маҷозӣ маъруза намуданд.
АКС: Донишгоҳи давлатии молия ва иқтисоди Тоҷикистон
«ИЛМ-ФУРӮҒИ МАЪРИФАТ». 27 октябр маросими қадрдонии ғолибони ҷойҳои ифтихории даври ҷумҳуриявии озмун доир мешавад
Масъалаи пайваст намудани муассисаҳои таълимии Тоҷикистон ба интернет баррасӣ шуд
Соли 2025 хонандагони муассисаҳои таълимии ноҳияи Данғара дар олимпиадаҳои байналмилалӣ соҳиби 148 медал гардиданд
72 оилаи омӯзгорони Донишгоҳи давлатии Данғара бо манзили истиқоматӣ таъмин мегарданд
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
