ДАР ПАРТАВИ ҲИДОЯТҲОИ ПЕШВОИ МИЛЛАТ. Дар шаҳри Душанбе, ноҳияҳои Рӯдакӣ ва Дарвоз ба оилаҳои ниёзманд кумак расонида шуд
ДУШАНБЕ, 16.12.2024. /АМИТ «Ховар»/. Дар партави ҳидоятҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати дастгирӣ ва расонидани кӯмак ба эҳтиёҷмандон аз ҷониби Ташкилоти ҷамъиятии «Сабо» ва ширкати Малайзия Сhinta Gaza Malaysi дар мавсими сармо ба 50 оилаи ниёзманди шаҳри Душанбе ва 50 оилаи ноҳияи Рӯдакӣ кумак расонида шуд, иттилоъ медиҳад АМИТ «Ховар».
Аз ҷумла, дар доираи ин амали нек ба 50 оилаи шаҳри Душанбе дастгоҳҳои хонагармкунӣ (радиатор) тақдим гардида, ҳамзамон ба 50 оилаи ниёзманди ноҳияи Рӯдакӣ 500 килограммӣ ангишт дода шуд.
Дар ин замина чунин кумак ба ноҳияи Дарвоз низ расонида шуда, ба беморхонаи марказии ин ноҳия як генератори 200-киловатта тақдим карда шуд.
Чунин амали инсонпарварона ва наҷиб дар пайравӣ ба иқдоми хайрхоҳонаи Роҳбари давлат ва Ҳукумати мамлакат дар заминаи сиёсати самарабахши иҷтимоӣ амалӣ шуда, пайваста иҷро мегардад.
Бояд таъкид намуд, ки дастгирии маъюбон, маризон, пиронсолони яккаву танҳо, ятимону бепарасторон ва дигар ниёзмандон яке аз ҳадафҳои асосии Ҳукумати Ҷумҳурии Тоҷикистон, хосса Президенти мамлакат муҳтарам Эмомалӣ Раҳмон ба ҳисоб рафта, дар ин самт ҳамеша барои дастгирии онҳо тадбирҳои саривақтӣ андешида мешаванд.
Ташкилоти ҷамъиятии «Сабо» 13 июли соли 2016 ба фаъолият оғоз намудааст. Ин ташкилот ҳамасола ба ҳазорҳо хонаводаҳои ниёзманд маводи ғизоӣ кумак мерасонад.
Роҳбари Ташкилоти ҷамъиятии «Сабо» Ҷамшед Сафаров гуфт, ки «соли 2023 ташкилот ба 1700 оилаи ниёзманди шаҳрҳои Душанбе, Ваҳдат ва ноҳияҳои Рӯдакӣ маводи ғизоӣ тақсим намуд, ки дар маҷмуъ 45 тоннаро ташкил дод. Соли 2024 ба 1016 оилаи ниёзманд маводи ғизоӣ расонида шуд. Инчунин ба хона-интернатҳои шаҳри Кӯлоб, Восеъ, Сангвор, Ваҳдат, Рӯдакӣ ва шаҳри Душанбе кумак расонида, барои онҳо дастархони идона ороста шуд».
Таҳти ҳидоятҳои Сарвари давлат роҳбари ширкати «Сабо» Ҷамшед Сафаров пайваста дар ободонию созандагӣ, кумак ба ятимону барҷомондагон ва шахсони маъюб саҳми муносиб мегузорад.
АКС: Ташкилоти ҷамъиятии «Сабо»
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
