Муносибатҳои Тоҷикистон ва Покистон дар соҳаҳои мухталиф густариш меёбанд
ДУШАНБЕ, 14.12.2024 /АМИТ «Ховар»/. 13 декабр дар шаҳри Исломобод мулоқоти Сарвазири Ҷумҳурии Исломии Покистон Шаҳбоз Шариф бо Вазири энергетика ва захираҳои оби Ҷумҳурии Тоҷикистон, ҳамраиси Комиссияи муштараки ҳамкории тиҷоратӣ, иқтисодӣ ва илмӣ-техникии Ҷумҳурии Тоҷикистон ва Ҷумҳурии Исломии Покистон Далер Ҷумъа баргузор шуд. Дар ин хусус АМИТ «Ховар» бо истинод ба Вазорати энергетика ва захираҳои оби ҷумҳурии Тоҷикистон хабар медиҳад.
Дар мулоқот ҷонибҳо аҳамияти густариши бештари муносибатҳоро дар соҳаҳои мухталиф, аз ҷумла тиҷорат, сармоягузорӣ, нақлиёт, энергетика ва маориф таъкид намуданд.
Зимнан, зарурати татбиқи саривақтии лоиҳаи CASA-1000, ки дорои аҳамияти минтақавӣ мебошад, муҳим арзёбӣ гардид.
Шаҳбоз Шариф аз пешрафтҳо дар ҳамкории дуҷонибаи ҷумҳуриҳо дар бахшҳои гуногун дар доираи Комиссияи муштарак изҳори қаноатмандӣ намуд.
Сарвазири Покистон аз ёддоштҳои тафоҳум ва созишномаҳои баимзорасида изҳори қаноатмандӣ намуда, таъкид кард, ки татбиқи саривақтии ин санадҳо ба таҳкими бештари равобити дуҷониба мусоидат менамояд.
Ёдовар мешавем, ки вохӯрӣ дар ҳошияи ҷаласаи 7-уми Комиссияи муштараки ҳамкории тиҷоратӣ, иқтисодӣ ва илмӣ-техникиии Ҷумҳурии Тоҷикистон ва Ҷумҳурии Исломии Покистон баргузор шуд.
АКС: Вазорати энергетика ва захираҳои оби ҷумҳурии Тоҷикистон
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
