Президенти Академияи миллии илмҳои Тоҷикистон бо ноиби президенти Донишгоҳи Акита мулоқот намуд
ДУШАНБЕ, 05.12.2024 /АМИТ «Ховар»/. 3 декабр дар шаҳри Акитаи Ҷопон президенти Академияи миллии илмҳои Тоҷикистон Қобилҷон Хушвахтзода ва ноиби президенти Донишгоҳи Акита Такеши Гото мулоқоти судманд анҷом доданд. Дар ин хусус ба АМИТ «Ховар» дар Академияи миллии илмҳо хабар доданд.
Зимни мулоқот ба масъалаҳои гузаронидани машваратҳо, конфронс ва симпозиумҳои сатҳи байналмилалӣ байни олимони Тоҷикистон ва Ҷопон, дастгирии олимони ҷавон, амалӣ намудани барномаҳои грантӣ барои аспирантон ва муҳаққиқони ҷавони Академияи миллии илмҳои Тоҷикистон таваҷҷуҳ зоҳир гардид.
Инчунин ҷонибҳо масъалаҳои дар оянда густариш додани ҳамкорӣ дар самтҳои таҳқиқоти захираҳои табиӣ, энергетика, геология, истихроҷи маъдан, ҷустуҷӯи муштараки конҳои канданиҳои фоиданок, захираҳои об ва гидроэнергетика, таҳқиқот оид ба таъсири тағйирёбии иқлим ба пиряхҳои Тоҷикистон, лоиҳаҳо оид ба беҳтар намудани идоракунии об ва рушди технологияҳои устувори гидроэнергетикаро баррасӣ намуданд.
Иброз шуд, ки имрӯз Академияи миллии илмҳои Тоҷикистон ва Донишгоҳи Акитаи Ҷопон дар доираи барномаҳои илмию таълимӣ, ки ба ҳалли мушкилоти глобалӣ ва минтақавӣ нигаронида шудаанд, фаъолона ҳамкорӣ менамоянд. Яке аз самтҳои дигари ҳамкорӣ байни академия ва донишгоҳ интиқоли технологияи инноватсионӣ мебошад.
Бо боварӣ гуфта шуд, ки дар оянда ҳамкорӣ дар ин самт густариш ёфта, бо дастгирии роҳбарияти Донишгоҳи Акита муассисаҳои илмию таҳқиқотии Академияи миллии илмҳои Тоҷикистон барои пешбурди корҳои илмӣ-таҳқиқотии олимон ва муҳаққиқони ҷавон бо технологияҳои наву замонавӣ таъмин карда мешаванд.
АКС: Академияи миллии илмҳои Тоҷикистон
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
