СОЛИ МАЪРИФАТИ ЭКОЛОГӢ. Бахшида ба он дар Душанбе ҳамоиши ҷумҳуриявии илмӣ-назариявӣ доир шуд
ДУШАНБЕ, 20.12.2024. /АМИТ «Ховар»/. 19 декабр бахшида ба Соли маърифати экологӣ эълон гардидани соли 2024 дар шаҳри Душанбе дар Донишгоҳи миллии Тоҷикистон ҳамоиши ҷумҳуриявии илмӣ-назариявӣ баргузор гардид.
Тавре дар Донишгоҳи миллии Тоҷикистон ба АМИТ «Ховар» хабар доданд, ҳамоиш бо мақсади дар сатҳи баланд пешвоз гирифтани 35-солагии Истиқлоли давлатӣ ва амалӣ шудани ташаббуси Раиси шаҳри Душанбе муҳтарам Рустами Эмомалӣ вобаста ба тозаю озода нигоҳ доштани муҳити зист, ҳифзи арзишҳои гуногуни экологӣ ва таъмини амнияти экологӣ баргузор гардид.
Соли маърифати экологӣ эълон гардидани соли 2024 дар шаҳри Душанбе муҳим ва саривақтӣ буда, ба тозаю озода нигоҳ доштани муҳити зист, аз маърифати экологӣ бархурдор шудани аҳолӣ, дар руҳияи маърифати экологӣ таълиму тарбия додани шаҳрвандон, хусусан наврасону ҷавонон, дӯст доштани табиат ва дар маҷмуъ боз ҳам ободу зебо ва сарсабзу хушнамо гардидани пойтахти Ҷумҳурии Тоҷикистон- шаҳри Душанбе мусоидат намуд.
Таъкид гардид, ки маърифати экологӣ омили асосии рушди иқтисодӣ дар шароити ташаккулёбии иқтисоди «сабз» мебошад. Истифодаи устувори захираҳои табиӣ ва технологияҳои экологӣ ба таъсиси ҷойи кори нав ва тавсеаи истеҳсолоти экологӣ заминаи хуб мегузорад.
«Қабул ва татбиқи принсипҳо оид ба арзишҳои маърифати экологӣ имкон медиҳад, ки аз назари қаблӣ нисбат ба табиат ҳамчун манбаи беохир ва бепоён даст кашида шавад ва он ҳамчун сарвати арзишманд, ки муносибати эҳтиёткорона ва ҳифзи доимӣ талаб мекунад, баррасӣ карда шавад»,-таъкид гардид дар ҳамоиш.
Ёдовар мешавем, ки давоми солҳои соҳибистиқлолӣ шаҳри Душанбе ба таври бесобиқа рушд намуда, ба яке аз шаҳрҳои зеботарини минтақа табдил ёфтааст. Бо шарофати сиёсати бунёдкоронаи Пешвои миллат муҳтарам Эмомалӣ Раҳмон ва иқдоми созандаи Раиси шаҳри Душанбе Рустами Эмомалӣ пойтахти Тоҷикистон- шаҳри Душанбе ба «шаҳри сабз» табдил меёбад.
АКС: Донишгоҳи миллии Тоҷикистон
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
МАСЛИҲАТИ МУТАХАССИС. Бодиринг аз витаминҳои C ва K, минералҳои калий, магний ва антиоксидантҳо бой мебошад
Имрӯз дар баъзе ноҳияҳои Тоҷикистон борони кӯтоҳмуддат дар назар аст
ПИРЯХҲО ВА ОЯНДАИ САЙЁРА. Душанбе ба маркази муколамаи ҷаҳонӣ оид ба ҳифзи пиряхҳо табдил меёбад
