35-СОЛАГИИ ИСТИҚЛОЛИ ДАВЛАТӢ. Дар Мастчоҳ Қасри фарҳанг бунёд карда мешавад
ДУШАНБЕ, 27.01.2025 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар деҳоти Палдораки ноҳияи Мастчоҳ Қасри фарҳанг бунёд мегардад. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Масоҳати умумии бино 610 метри мураббаъ буда, он аз ду ошёна иборат мебошад. Бинои қаср дорои ҳуҷраҳои барҳавои замонавӣ барои баргузории маҳфилҳои рубобнавозону доиранавозон, шашмақомсароӣ, рассомӣ ва ҳунармандӣ мебошад.
Бинои қаср дар умум аз 19 ҳуҷраи корӣ ва толори намоиш барои 200 ҷойи нишаст иборат мешавад. Дар бино ҳуҷраи сарояндагон, нуқтаи нигоҳдороии либоси ҳунармандон ва ҳуҷраҳои техникӣ бунёд мегарданд.
Корҳои асосӣ дар иншоот ба анҷом расида, дар назар аст, ки он соли равон ба истифода дода шавад.
Ҳамчунин дар ноҳия бахшида ба 35-солагии Истиқлоли давлатӣ сохтмони бинои нави беморхонаи марказӣ идома дорад.
Ин иншоот аз 4 ошёна ва таҳхона иборат буда, 250 кат ба нақша гирифта шудааст.
Иншоот бо таҷҳизоти замонавӣ таъмин шуда, баъди ба истифода додан сатҳи хизматрасонии тиббӣ дар ноҳия ба таври назаррас беҳтар мегардад.
АКС: Хадамоти матбуоти Раиси вилояти Суғд
Дар Шаҳринав мактабу толори варзишӣ ва марказҳои хизматрасонӣ ба истифода дода шуданд
Оид ба омӯзиши таърих ва тамаддуни халқи тоҷик дар замони соҳибистиқлолӣ конфронси илмӣ баргузор гардид
Дар шаҳри Бӯстон вохӯрии вакили Маҷлиси намояндагон бо интихобкунандагон доир шуд
Дар Ёвон ба муносибати 34-солагии Истиқлоли давлатӣ дар Хона-интернати пиронсолон ва маъюбон чорабинии идона баргузор гардид
ТУҲФАИ АРЗАНДАИ ПРЕЗИДЕНТИ ТОҶИКИСТОН. Тақдими китоби «Шоҳнома» ба беш аз 48 ҳазор оилаи шаҳри Ҳисор оғоз шуд
Маркази байналмилалии рушд ва инноватсияи Хатлон ифтитоҳ гардид
Кормандони Бонки миллии Тоҷикистон 34-солагии Истиқлоли давлатиро бо дастовардҳои назаррас ҷашн гирифтанд
Дар Теҳрон Истиқлолияти давлатии Тоҷикистон таҷлил гардид
Дар Ҷопон фарҳанг ва таомҳои миллии тоҷикӣ муаррифӣ карда шуд
Дар Ҳисор Рӯзи Истиқлолияти давлатӣ бо барномаи рангини консертӣ ва театрӣ таҷлил гардид
Доир ба Истиқлолияти давлатӣ ва рушди саноати миллӣ конференсияи ҷумҳуриявӣ баргузор шуд
«ТОҶИКИСТОН — ВАТАНИ АЗИЗИ МАН». Даври сеюми озмуни ҷумҳуриявӣ моҳи сентябр оғоз мегардад
