Ҳамкории Тоҷикистон ва Созмони Милали Муттаҳид барои мусоидат ба маблағгузории ҳадафҳои стратегӣ баррасӣ гардид
ДУШАНБЕ, 31.01.2025. /АМИТ «Ховар»/. 30 январ вохӯрии Вазири рушди иқтисод ва савдои Тоҷикистон Завқӣ Завқизода бо Ҳамоҳангсози доимии Созмони Миллали Муттаҳид дар Ҷумҳурии Тоҷикистон хонум Кавилмадам Рамасвами Парвати ва Роҳбари Дафтари ҳамоҳангсози доимии Созмони Милали Муттаҳид Кристин Товмасян баргузор гардид, ки зимни он ҷонибҳо ҳамкории дутарафаро барои мусоидат ба маблағгузории ҳадафҳои стратегии мамлакат баррасӣ намуданд. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Завқӣ Завқизода ба намояндагони Созмони Милали Муттаҳид барои ҳамкории мутақобили судманд ва ҳиссагузорӣ дар рушди устувори иқтисодии мамлакат миннатдорӣ баён намуд. Иброз гардид, ки бо шарофати сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон Тоҷикистон давоми 5 соли охир, новобаста ба таъсири омилҳои берунӣ дар натиҷаи амалӣ намудани ислоҳоти иқтисодӣ, барномаҳои давлатӣ ва нақшаи чорабиниҳои зиддибуҳронӣ дар самти татбиқи Ҳадафҳои Рушди Устувор (ҲРУ) ба дастовардҳои назаррас ноил гардид.
Ҷонибҳо пешниҳоди кумаки молиявию техникиро барои тақвият бахшидани низоми миллии мониторинг ва арзёбии раванди татбиқи ҳуҷҷатҳои банақшагирии стратегӣ, ба монанди «Барномаи миёнамуҳлати рушд барои солҳои 2021-2025», таҳия ва муаррифии «Барномаи миёнамуҳлати рушд барои солҳои 2026-2030» муҳокима намуданд.
Гуфта шуд, ки дар «Барномаи миёнамуҳлати рушд барои солҳои 2026-2030» ба масъалаҳои рушди сармояи инсонӣ, тақвияти иқтидори истеҳсолӣ ва истифодаи технологияҳои муосир, ташкили истеҳсоли молу маҳсулоти рақобатнок бо арзиши баланди иловашуда, пайванди илм бо истеҳсолот ва ташаккул додани иқтисоди ба дониш ва ихтироъкорию навоварӣ асосёфта таваҷҷуҳи аввалиндараҷа дода мешавад.
Хонум Кавилмадам Рамасвами Парвати омодагии Созмони Миллали Муттаҳид ва оҷонсиҳои онро барои мусоидат ба амалӣ гардонидани ҳадафу афзалияти рушди Ҷумҳурии Тоҷикистон баён намуд.
АКС: Вазорати рушди иқтисод ва савдои Ҷумҳурии Тоҷикистон
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
