Дар Душанбе таҳти унвони «Созмони ҳамкории Шанхай: дар роҳи ҷомеаи солим бе маводи мухаддир» ҳамоиши байналмилалӣ доир шуд
ДУШАНБЕ, 29.01.2025. /АМИТ «Ховар»/. 29 январ дар шаҳри Душанбе дар Маркази дӯстӣ ва ҳамкории Созмони ҳамкории Шанхай дар Тоҷикистон таҳти унвони «Созмони ҳамкории Шанхай: дар роҳи ҷомеаи солим бе маводи мухаддир» ҳамоиши байналмилалӣ баргузор гардид. Ташкилкунандагони ҳамоиш Вазорати корҳои хориҷии Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон ва Академияи идоракунии давлатии назди Президенти Ҷумҳурии Тоҷикистон мебошанд.
Тавре ба АМИТ «Ховар» аз Академияи идоракунии давлатии назди Президенти Ҷумҳурии Тоҷикистон иттилоъ доданд, дар ҳамоиши байналмилалӣ ректори Академияи идоракунии давлатии назди Президенти Ҷумҳурии Тоҷикистон, директори Маркази дӯстӣ ва ҳамкории Созмони ҳамкории Шанхай дар Тоҷикистон Даврон Сафарзода, директори Агентии назорати маводи нашъаовари назди Президенти Ҷумҳурии Тоҷикистон Зафар Самад ва муовини Дабири кулли Созмони ҳамкории Шанхай Сохайл Хан сухан гуфтанд.
Дар ҷараёни ҳамоиш табодули афкори ҳамаҷониба оид ба ҳамкории дуҷониба ва бисёрҷониба дар мубориза бо гардиши ғайриқонунии маводи мухаддир ва амалисозии барномаҳои пешгирикунанда оид ба мубориза бо нашъамандӣ ва пешгирии паҳншавии маводи мухаддир дар минтақа баргузор гардид.
Иштирокчиён инчунин раванди татбиқи Қарори Шурои сарони давлатҳои аъзои Созмони ҳамкории Шанхай дар бораи такмили фаъолияти ин созмонро бо таваҷҷуҳ ба таъсиси Маркази зидди маводи мухаддири Созмони ҳамкории Шанхай дар шаҳри Душанбе мавриди баррасӣ қарор доданд.
Дар ҳамоиш малакаҳои кори фаврии сагҳои хизматии Агентии назорати маводи нашъаовари назди Президенти Ҷумҳурии Тоҷикистон намоиш дода шуд.
Иштирокчиёни ҳамоиши байналмилалӣ инчунин бо намоишгоҳи аксҳои Агентӣ ва маҷмуи васеи таҷҳизоти махсус, ки дар мубориза бо гардиши ғайриқонунии маводи мухаддир истифода мешаванд, шинос шуданд.
АКС: Академияи идоракунии давлатии назди Президенти Ҷумҳурии Тоҷикист
Партитураи Суруди Созмони ҳамкории Шанхай ба Котиботи СҲШ дар Пекин тақдим гардид
Дар Душанбе доир ба Соли рушди устувори Созмони ҳамкории Шанхай ҳамоиш баргузор гардид
Сарвазири Ҷумҳурии Тоҷикистон Қоҳир Расулзода дар ҷаласаи 23-юми Шурои сарони ҳукуматҳо-сарвазирони давлатҳои аъзои Созмони ҳамкории Шанхай иштирок намуд
Дар Душанбе доир ба ҳолат ва дурнамои ҳамкории Тоҷикистон бо Созмони ҳамкории Шанхай машварат баргузор шуд
Ҳайати Тоҷикистон дар ҷаласаи 23-юми вазирони давлатҳои аъзои Созмони ҳамкории Шанхай иштирок намуд
«ИННОПРОМ-2024». Дар доираи ин намоишгоҳ дар шаҳри Екатеринбурги Русия ҷаласаи пленарии Созмони ҳамкории Шанхай баргузор шуд
НАЗАРИ КОРШИНОС. Созмони ҳамкории Шанхай зимни қабули тасмимот мавқеъ ва манфиатҳои тамоми мамлакатҳои узвро ба инобат мегирад ва эҳтиром менамояд
Президенти Ҷумҳурии Тоҷикистон Эмомалӣ Раҳмон дар Вохӯрии «Созмони ҳамкории Шанхай – плюс» иштирок намуданд
Президенти Ҷумҳурии Тоҷикистон Эмомалӣ Раҳмон дар ҷаласаи Шурои сарони давлатҳои аъзои Созмони ҳамкории Шанхай иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қазоқистон Қосим-Жомарт Токаев мулоқот намуданд
Дар Остона ҷаласаи 4-уми вазирони энергетикаи давлатҳои аъзои Созмони ҳамкории Шанхай баргузор шуд
Вазири адлияи Тоҷикистон дар машварати ёздаҳуми вазирони адлияи давлатҳои аъзои Созмони ҳамкории Шанхай суханронӣ намуд
