Дар Хуҷанд ба маблағи беш аз 2 миллиард сомонӣ маҳсулот истеҳсол гардид
СУҒД, 21.01.2025 /АМИТ «Ховар»/. Бахшида ба 35-солагии Истиқлолияти давлатии Ҷумҳурии Тоҷикистон дар шаҳри Хуҷанд 48 корхонаи хурду миёнаи истеҳсолӣ бо истифодаи технологияҳои муосир ва 966 ҷойи кор бо ҷалби 36,5 миллион сомонӣ сармояи мустақим сохта, ба истифода дода шуд. Бо ин миқдори умумии корхонаҳои саноатӣ ба 306 адад расонида шуд. Дар ин хусус ба АМИТ «Ховар» аз дафтари матбуоти Раиси шаҳри Хуҷанд хабар доданд.
Дар ҷаласаи ҷамъбастии нишондиҳандаҳои хоҷагии халқи шаҳр дар соли 2024 иттилоъ дода шуд, ки Хуҷанд яке аз шаҳрҳои калонтарини саноатии ҷумҳурӣ ба ҳисоб рафта, дар ҳаҷми умумии маҳсулоти дар вилояти Суғд истеҳсолшаванда саҳми устувор мегузорад.
Таъкид гардид, ки ҳаҷми умумии маҳсулоти истеҳсолгардида соли 2024 ба 2 миллиарду 30,4 миллион сомонӣ расонида шуд, ки нисбат ба ҳамин давраи соли 2023 119,3 миллион сомонӣ ё 8,3 дар сад зиёд аст. Аз ин миқдор ба маблағи 416 миллион сомонӣ маҳсулот ба давлатҳои хориҷи дуру наздик содирот карда шуд. Ин нишондиҳанда нисбат ба ҳамин давраи соли 2024 19,9 миллион сомонӣ афзоиш ёфта, 105 фоизро ташкил намуд, ки барои рушду такомули ин соҳаи воқеии иқтисодиёт заминаи устувор мегузорад.
Дар ин давра шумораи корхонаҳои истеҳсолкунандаи маҳсулоти воридотивазкунанда ва ба содирот нигаронида зиёд шуда, аз ҷониби 110 корхонаи хурду калон ба маблағи 894 миллион сомонӣ маҳсулот истеҳсол гардид. Ин нисбат ба ҳамин давраи соли 2023 81,1 миллион сомонӣ зиёд буда, 110 фоизро ташкил намуд.
Шумораи корхонаҳои маҳсулот истеҳсолкунанда 32 адад зиёд гардида, теъдоди онҳо ба 239 адад расонида шуд. Аз шумораи умумии маҳсулоти истеҳсолшуда 113 номгӯй нисбат ба ҳамин давраи соли 2023 зиёда аз 100 фоиз таъмин шудааст.
АКС: Дафтари матбуоти Раиси шаҳри Хуҷанд
ҶУФТБАРОРОН. Ин маросим оғози кишту кори баҳориро ифода мекунад
Дар ноҳияи Ҷайҳун неругоҳи офтобӣ сохта мешавад
Ба ифтихори ҷашни Наврӯз дар Агентии назорати давлатии молиявӣ ва мубориза бо коррупсия чорабинии тантанавӣ баргузор шуд
Душанбе мизбони Конфронси 35-уми Созмони озуқаворӣ ва кишоварзии СММ мегардад
Дурнамои рушди ҳамкории Тоҷикистон ва Ҳиндустон дар соҳаи энергетика баррасӣ шуд
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Пешвои миллат: «Кишоварзон бояд аз ҳар рӯзи мусоиди фасли баҳор истифода баранд»
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
