Дар шаҳри Теҳрон маҳфили адабии Шоири халқии Тоҷикистон Фарзона баргузор шуд
ДУШАНБЕ, 29.01.2025. /АМИТ «Ховар»/. Бо ташаббуси Сафорати Тоҷикистон дар Эрон дар ҳамкорӣ бо Муассисаи фарҳангии Созмони ҳамкории иқтисодӣ (СҲИ) дар қароргоҳи ин муассиса бахшида ба фаъолияти эҷодии Шоири халқии Тоҷикистон Фарзона нишасти адабӣ баргузор гардид. Дар ин хусус ба АМИТ «Ховар» аз Сафорати Тоҷикистон дар Эрон хабар доданд.
Дар он намояндагони доираҳои илмию адабӣ, пажуҳишгарону рӯзноманигорон ва алоқамандони шеъру адаб иштирок намуданд.
Сафири Тоҷикистон дар Эрон Низомиддин Зоҳидӣ зимни суханронӣ бо ишора ба дастовардҳои фарҳангию адабии Тоҷикистон дар солҳои истиқлолият ва рушди ҳамкорӣ дар ин самт бо Эрон нақши боризи Фарзонаро дар адабиёти муосири Тоҷикистон ва ҳавзаи адабиёти форсизабонон таъкид кард, шеъри ӯро шеъри ҳомили паёмҳо ва башоратҳои инсонсоз ва миллатсоз, шеъри бозгӯкунандаи ормонҳои ахлоқию маънавии инсон ва ҷомеа ва шеъри ҳидояткунанда ба ислоҳу салоҳи иҷтимоӣ донист.
Раиси Муассисаи фарҳангии Созмони ҳамкории иқтисодӣ Саъд Хон Фарзонаро аз ифтихороти минтақаи ин созмон хонд ва таъкид кард, ки осори ин шоири маъруфи Тоҷикистон дар давлатҳои минтақа бо истиқболи самимии хонандагон мувоҷеҳ шудааст.
Шоирони халқии Тоҷикистон Фарзона ва Озарахш дар интиҳои ҷаласа бо забони шеър аз меҳмонон изҳори сипос намуданд.
Ҳамзамон зимни нишаст китоби «Ҳумоюннома» — ёдномае аз фарзанди шодравони Фарзона ва Озарахш, ки чанде пеш тавассути нашриёти «Хирадгон» дар Теҳрон чоп шуд, рӯнамоӣ гардид.
АКС: Сафорати Тоҷикистон дар Эрон
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
