Иштироки фаъолонаи ҷавонон дар интихобот нишонаи масъулияти баланди шаҳрвандии онҳо аст
ДУШАНБЕ, 10.01.2025. /АМИТ «Ховар»/. Раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода бо намояндагони ҷавонони фаъоли ҷумҳурӣ вохӯрӣ намуд. Дар ин хусус ба АМИТ «Ховар» аз Комиссияи марказии интихобот ва раъйпурсӣ хабар доданд
Раиси Комиссияи марказии интихобот ва раъйпурсии Ҷумҳурии Тоҷикистон оид ба масъалаҳои мубрами раванди интихобот, моҳият ва аҳаммияти ин маъракаи муҳимми сиёсӣ, ҳуқуқи интихоботӣ, хусусияти низоми интихоботӣ дар Тоҷикистон ва дигар масъалаҳои вобаста ба мавзуъ бо ҷавонон суҳбат намуд.
Инчунин вобаста ба чорабиниҳои муштарак бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон изҳори назар карда, барои тадбирҳои гузаронида ба роҳбарияти Кумита ва ҷавонони фаъол изҳори миннатдорӣ намуд. Раиси Комиссияи марказӣ даъват кард, ки ҷавонон фаъолона дар ин маъракаи муҳимми сиёсӣ иштирок намуда, номзад ва ҳизби арзандаро интихоб намоянд.
Ҳамзамон Раиси Кумитаи кор бо ҷавонон ва варзиши назди Ҳукумати чумҳурии Тоҷикистон Зулфиқор Гулаҳмадзода иброз дошт, ки мо дар арафаи интихоботи даъвати нави Маҷлиси Олӣ ва маҷлисҳои маҳаллии вакилони халқ қарор дорем. Иштироки ҷавонон дар ин маъракаи муҳими сиёсӣ нишонаи масъулияти баланди шаҳрвандии онҳо мебошад.
Ҳамчунин аъзои Комиссияи марказии интихобот ва раъйпурсии Ҷумҳурии Тоҷикистон Махфират Хидирзода дар музокира иштирок намуда, вобаста ба тартиби баргузории «Рӯзи интихобкунандаи ҷавон», ки нимаи дуюми моҳи феврали соли 2025 ба нақша гирифта шудааст, ба ҳозирин иттилоъ дод.
Таъкид шуд, ки барои дар сатҳи баланди ташкилию сиёсӣ баргузор шудани ин чорабинӣ нақшаи муштараки тасдиқшудаи Комиссияи марказии интихобот ва раъйпурсӣ ва Кумитаи ҷавонон ва варзиш бояд сари вақт дар амал татбиқ шавад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Номзад ба вакилии Маҷлиси намояндагон аз ҳавзаи якмандатии Рашт,№12 пешбарӣ карда шуд
Номзад ба вакилии Маҷлиси намояндагон аз ҳавзаи якмандатии интихоботии Турсунзода, №5 пешбарӣ карда шуд
Аз ҳавзаи интихоботии якмандатии Панҷакент, №21 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Номзади Ҳизби Халқии Демократии Тоҷикистон дар ҳавзаи интихоботии якмандатии Файзобод, №11 маълум гардид
Иштироки фаъолонаи ҷавонон дар интихобот нишони камолоти сиёсии онҳо мебошад
Номзад ба вакилии Маҷлиси намояндагон аз ҳавзаи интихоботии якмандатии Фархор, №34 пешниҳод гардид
Вобаста ба нақши Воситаҳои ахбори омма дар инъикоси интихобот ҳамоиш доир шуд
Номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Истаравшан, №23 пешниҳод карда шуд
ҲХДТ дар ҳавзаи якмандатии интихоботии Рӯдакӣ, №9 номзад пешниҳод намуд
Дар ҳавзаи интихоботии якмандатии Кӯлоб, №37 номзад аз ҲХДТ муаррифӣ шуд
Номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ваҳдат, №10 пешбарӣ гардид
Семинар-машварати аъзои Комиссияи ҳавзаи интихоботии якмандатаи Шоҳмансур №3 доир шуд
