ИСТАРАВШАН – «ОСОРХОНА ДАР ФАЗОИ КУШОД». Ва ё шаҳре, ки ба узвияти Шурои ҷаҳонии ҳунармандон пазируфта шуд
ДУШАНБЕ, 29.01.2025 /АМИТ «Ховар»/. Соли 2024 шаҳри Истаравшан ба узвияти Шурои ҷаҳонии ҳунармандон пазируфта шуд. Шаҳодатнома ба роҳбарияти шаҳри Истаравшан ҳамчун «Шаҳри ҷаҳонии ҳунармандӣ» зимни баргузории нахустин Фестивали байналмилалии ҳунармандӣ «Озар», ки 1-3 октябри соли 2024 дар ин шаҳри бостонӣ доир гардид, супурда шуд. Дар ин хусус зимни баргузории нишасти матбуотии Вазорати фарҳанги Ҷумҳурии Тоҷикистон 27 январи соли равон иттилоъ дода шуд.
Ёдовар мешавем, ки дар доираи баргузории Фестивали байналмилалии ҳунармандӣ «Озар» 40 ҳунарманд аз давлатҳои аъзои Шурои ҷаҳонии ҳунармандӣ ва меҳмонону ҳунамардони тоҷик намоиши ҳунарии мардуми шаҳри Истаравшанро тамошо намуданд.
Иштирокдорони фестивал ҳамчунин бо мавзеъҳои таърихиву растаҳои ҳунармандон ва Коллеҷи ҷумҳуриявии ҳунарҳои мардумии шаҳри Истаравшан шинос шуда, ба маҳсули дасти ҳунармандони ин шаҳр баҳои баланд доданд.
Бояд гуфт, ки Истаравшани бостонӣ яке аз мавзеъҳои таърихӣ ба шумор рафта, ин шаҳрро «осорхона дар фазои кушод» ном мебаранд. Айни замон дар шаҳр 153 ёдгории таърихӣ ва 160 намуди ҳунарҳои мардумӣ мавҷуд мебошанд.
Ёддовар мешавем, ки мақбараҳои Хоҷа Абдураҳмони Авф (асри VIII) ва Хоҷа Абдуқодири Ҷелонӣ (асри ХУ), Боботағои Валӣ (асри ХУ), Сари Мазор (асри ХVI), маҷмааи меъмории Ҳазрати Шоҳ (асрҳои ХVII-ХIХ), Чор Гумбаз (асри Х1Х), Савристон ва даҳҳо ёдгории дигар дар баробари муаррифии мероси бузурги таърихии миллати тоҷик беҳтарин намунаҳои ҳунари сокинони шаҳри Истаравшан, аз ҷумла наҷҷорону наққошон, кандакорон ва дигар ҳунармандон ба шумор мераванд.
АКС: АМИТ «Ховар»
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
