НИШАСТИ МАТБУОТӢ. Дар 56 корхонаи тобеи Кумитаи хоҷагии манзилию коммуналӣ системаи биллингӣ ҷорӣ гардид
ДУШАНБЕ, 28.01.2025. /АМИТ «Ховар»/. Дар 56 корхонаи тобеи ташкилоти низоми Кумитаи хоҷагии манзилию коммуналии назди Ҳукумати Ҷумҳурии Тоҷикистон, ки дар самти партовҳои сахти маишӣ фаъолият менамоянд, барои пардохти ҳисобҳои ғайринақдӣ пурра системаи биллингӣ ҷорӣ карда шуд. Дар ин хусус 27 январ зимни нишасти матбуотӣ муовини раиси кумита Раҷабалӣ Расулзода дар посух ба суоли мухбири АМИТ «Ховар» иттилоъ дод.
Ба иттилои Раҷабалӣ Расулзода, барои гузаштан ба пардохти ғайринақдӣ, аз ҷумла рақамикунонии соҳаҳои мухталифи ҷумҳурӣ, махсусан соҳаи коммуналӣ аз ҷониби Кумитаи хоҷагию манзилию коммуналии назди Ҳукумати Ҷумҳурии Тоҷикистон мунтазам тадбирҳои зарурӣ андешида мешаванд.
«Тибқи фармони Президенти Ҷумҳурии Тоҷикистон аз 22 июни соли 2023 бояд аз 1 август тамоми пардохтҳои ҳаққи хизматрасонӣ, аз ҷумла хизматрасонии коммуналӣ, таъмини аҳолии ҷумҳурӣ бо оби нӯшокӣ ва рафъи обҳои партовҳои сатҳи маишӣ ба тариқи ғайринақдӣ қабул карда шаванд. Дар робита ба ин аз ҷониби кумита ба корхонаҳои хоҷагии манзилию коммуналӣ ва корхонаҳои тобеи он дар шаҳру ноҳияҳои тобеи ҷумҳурӣ супоришу дастурҳои зарурӣ дода шуд. Тамоми корхонаҳо бояд дар вақти муқарраргардида пардохтҳоро ба тариқи ғайринақдӣ қабул кунанд», — иброз намуд Раҷабалӣ Расулзода.
Барои татбиқи системаи биллингӣ, ки ба воситаи он пардохтҳо гузаронида мешаванд, дар дастгоҳи марказии Кумитаи хоҷагии манзилию коммуналӣ пойгоҳи серверӣ таҷҳизонида шудааст, ки ба он мутахассисону барномасозон ҷалб гардида, тамоми муштариёне, ки қаблан дар китобҳо номнавис буданд, пурра ба системаи биллингии корхона гузаронида шуданд. Системаи биллингии корхона ба тариқи шартнома ба воситаи Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» рақамгузорӣ карда шудааст. Муштариён метавонанд тавассути барномаи «Амонатмобайл» ба корхона даромада, корхонаҳои тобеи кумитаро пайдо ва ҳаққи хизматрасониро пардохт намоянд.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ супориш доданд, ки то охири соли 2025 пардохтҳои ғайринақдӣ дар соҳаҳои буҷетӣ ва хизматрасонии давлатӣ пурра таъмин карда шаванд.
Шаҳлои САДРИДДИН,
АМИТ «Ховар»
АКС: АМИТ «Ховар»
Фаъолияти мақомоти Ваколатдор оид ба ҳуқуқи инсон дар партави Паёми Президенти Тоҷикистон ба Маҷлиси Олӣ густариш меёбад
Фарҳод Раҳимӣ: «Паёми Президенти Тоҷикистон заминаи стратегии рушди иқтисодӣ ва худшиносии миллӣ аст»
Ҳар сол дар соҳаҳои гуногуни иқтисоди Тоҷикистон беш аз 200 ҳазор ҷойи нави кор таъсис дода мешавад
Дар Тоҷикистон Фонди кафолати қарзҳо таъсис дода мешавад
Соли 2026 «Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ» эълон гардид
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
Аз 1 сентябри соли 2026 маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
