НИШАСТИ МАТБУОТӢ. Соли 2025 120 номгӯй китоби дарсӣ бо теъдоди 9 миллиону 154 ҳазор нусха нашр мешавад
ДУШАНБЕ, 31.01.2025. /АМИТ «Ховар»/. Имрӯз зимни нишасти мабуотии Вазорати маориф ва илми Ҷумҳурии Тоҷикистон иттилоъ дода шуд, ки бо мақсади бартараф намудани норасоии адабиёти таълимӣ дар асоси эҳтиёҷоти муассисаҳои таҳсилоти умумӣ «Нақшаи чопи китобҳои дарсӣ барои муассисаҳои таҳсилоти умумӣ дар соли 2025» таҳия шуд, ки тибқи он нашри 120 номгӯй китоби дарсӣ бо теъдоди 9 миллиону 154 ҳазор нусха ба нақша гирифта шудааст.
Ба иттилои Вазири маориф ва илми Тоҷикистон Раҳим Саидзода, бо мақсади иҷрои дастуру супоришҳои Президенти мамлакат вобаста ба такмили мазмуну мундариҷаи китобҳои дарсӣ аз ҷониби Вазорати маориф ва илм дар ҳамкорӣ бо шарикони рушд тадбирҳои муфид андешида шуданд. Аз ҷумла, «Барномаи амалкунандаи таълими фанни адабиёти тоҷик барои синфҳои 5-11»-и муассисаҳои таҳсилоти умумӣ куллан бознигарӣ карда шуд.
-Дар заминаи дастури Сарвари давлат бо мақсади таҷдиди минбаъдаи барномаю китобҳои дарсӣ консепсияҳои таълифи китобҳои дарсӣ аз фанҳои таърихи халқи тоҷик ва адабиёти тоҷик таҳия гардида, барои мувофиқа ба вазорату идораҳо пешниҳод гардид,- гуфт вазир.
Ҳамзамон иттилоъ дода шуд, ки дар доираи лоиҳаи SТЕМ то охири соли 2025 бознигарӣ ва таҳияи 14 номгӯй китоби дарсӣ аз фанҳои химия, биология ва физика идома дорад. Ҳамагӣ то соли 2026 таҳияи қариб 60 номгӯй китоби дарсии насли нав дар назар дошта шудааст.
Инчунин соли 2024 112 номгӯй адабиёти таълимию методӣ барои муассисаҳои таҳсилоти томактабӣ ва миёнаи умумӣ бо теъдоди умумии 4 миллиону 674 ҳазор нусха нашр гардид, ки нисбат ба соли 2023 340 ҳазор нусха зиёд мебошад.
Вазири маориф ва илм изҳор намуд, ки соли 2024 ба муассисаҳои таҳсилоти умумӣ 5 миллиону 14 ҳазору 464 нусха китоби дарсӣ, бадеӣ ва маводи таълимӣ дастрас гардид. Аз ин теъдод 4 миллиону 617 ҳазору 946 нусхааш танҳо китоби дарсӣ буда, нисбат ба соли 2023 117 ҳазору 965 нусха зиёд аст.
Соли 2024 70 номгӯй китоби дарсӣ барои муассисаҳои таҳсилоти умумии таълимашон бо забонҳои русӣ, туркманӣ, узбекӣ ва қирғизии ҷумҳурӣ таҳия шуда, омодаи чоп аст.
Ҳамзамон дар доираи лоиҳаи «Биё, ҳамроҳ омӯзем» корҳои таълимӣ аз фанҳои забони тоҷикӣ ва хониши адабӣ бо теъдоди зиёда аз 3 миллион адад ва 31 номгӯй китоби бадеӣ бо теъдоди зиёда 270 000 нусха, нашри такрорӣ ба миқдори зиёда аз 220 000 нусха ва дар маҷмуъ 558 ҳазору 638 нусха ба анҷом расид.
Зарангези ЛАТИФ,
АМИТ «Ховар»
АКС: АМИТ «Ховар»
ПАЙВАНДИ ИЛМ БО ИСТЕҲСОЛОТ. Донишгоҳи давлатии тиҷорати Тоҷикистон аз қисмати назариявии корҳои илмӣ ба қисмати амалӣ мегузарад
Мактаби зимистона оид ба коҳиши хатари офатҳои табиӣ ва мутобиқшавӣ ба тағйирёбии иқлим ифтитоҳ шуд
НИШАСТИ МАТБУОТӢ. Дар Донишгоҳи техникии Тоҷикистон қариб 700 шаҳрванди хориҷӣ таҳсил менамояд
НИШАСТИ МАТБУОТӢ. Дар 53 ихтисоси Донишгоҳи аграрии Тоҷикистон барномаҳои таълимии нави намунавӣ таҳия шудаанд
НИШАСТИ МАТБУОТӢ. Донишгоҳи давлатии тиҷорати Тоҷикистон бо 11 муассисаи таҳсилоти олии касбии хориҷи мамлакат шартномаи ҳамкорӣ дорад
НИШАСТИ МАТБУОТӢ. Дар Донишгоҳи техникии Тоҷикистон кадрҳои соҳибтахассус ва дар бозори меҳнат рақобатпазир омода карда мешаванд
Дар Маркази таълимии касбомӯзии Донишгоҳи давлатии омӯзгорӣ 100 нафар ба таълим фаро гирифта шуд
НИШАСТИ МАТБУОТӢ. Донишгоҳи давлатии омӯзгории Тоҷикистон мутахассисони баландихтисосу забондон омода менамояд
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
НИШАСТИ МАТБУОТӢ. 31 донишҷӯи Академияи идоракунии давлатӣ ба муассисаҳои таҳсилоти олии хориҷи мамлакат фиристода шуданд
Дар Донишгоҳи технологии Тоҷикистон «Стратегияи муқовимат ба терроризм ва экстремизм дар Ҷумҳурии Тоҷикистон» баррасӣ гардид
БАРДОШТ АЗ ПАЁМ. Дар шаҳри Панҷакент 4 бинои нави мактаб ва 1 кӯдакистон сохта мешавад
