Ризо Солеҳии Амирӣ: «Аз ҳар муваффақияти Тоҷикистон ҳушҳолу сарфароз мешавем»
ДУШАНБЕ, 18.01.2025. /АМИТ «Ховар»/. «Бениҳоят шодам, ки ба Тоҷикистон омадам, зеро дар ин ҷо ҳама чиз бароям писанду маъқбул аст — ҳам табиати зебою нотакрораш, кӯчаю хиёбонҳои ҳамеша сабзу гулпӯши шаҳри Душанбе, ҳам мардуми самимию меҳмоннавозаш, ки бо мо, эрониҳо ҳамзабону ҳамфарҳанг мебошанд. Фарҳангу тамаддуни мо решаҳои муштараки таърихӣ доранд. Тоҷикону эрониҳо ба ҳам мисли бародару хоҳар ҳастанд. Ҳамин аст, ки мо аз ҳар як муваффақияти Тоҷикистон ҳушҳолу сарфароз мегардем», — чунин иброз намуд Вазири мероси фарҳангӣ, гардишгарӣ ва саноеи дастии Ҷумҳурии Исломии Эрон Сайид Ризо Солеҳии Амирӣ зимни суҳбат бо хабарнигори АМИТ «Ховар».
Ризо Солеҳии Амирӣ баён дошт, ки Тоҷикистон сарзамини мардуми фарҳангӣ ва аҳли илму дониш аст. Мо кӯшиш мекунем, ки муносибатҳои фарҳангиамонро боз ҳам равнақ диҳем.
Вазири мероси фарҳангӣ, гардишгарӣ ва саноеъи дастии Ҷумҳурии Исломии Эрон ҳамчунин доир ба ҳамкории фарҳангӣ ва ҳунармандӣ бо Тоҷикистон пешниҳодҳои мушаххас манзур намуд.
«Пешниҳод менамоям, ки байни бостоншиносони ду давлат нишаст баргузор гардад. Иштирокчиёни он доир ба корҳои бостоншиносӣ бо ҳамдигар табодули таҷриба намоянд»,-гуфт номбурда.
Ҳамчунин ҳамсуҳбати мо афзуд, ки «дар Эрон беш аз 6 ҳазор лаҳҷаи забонӣ дорем, ки ба лаҳҷаҳои тоҷикон монанд мебошанд. Ман хоҳони онам, ки байни забоншиносонамон доир ба лаҳҷаҳо корҳои таҳқиқотӣ ва илмӣ анҷом дода шаванд. Инчунин хуб мешуд вобаста ба рушди ҳунарҳои дастӣ бештар ҳамкорӣ намоем, намоишҳои дуҷониба ва омӯзиши ҳунарҳоро доир намоем».
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
