«ТАЪТИЛИ ЗИМИСТОНА-2025». Дар Душанбе мусобиқа ба поси хотири Фарҳод Ҷабборов ба охир расид

Январь 8, 2025 09:49

ДУШАНБЕ, 08.01.2025 /АМИТ «Ховар»/. Дар рӯзҳои таътили зимистона дар шаҳри Душанбе таҳти унвони «Таътили зимистона-2025» байни кӯдакони солҳои таваллуди  2012-2013 мусобиқаи ҷумҳуриявӣ баргузор гардид. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.

Мусобиқа ба поси хотири хабарнигори маъруфи варзишӣ Фарҳод Ҷабборов, ки солҳои тӯлонӣ ба нафъи футболи пойтахт заҳмат кашидааст, бахшида шуд.

Мусобиқа 1 январ оғоз шуда, дар охирин рӯзи таътили зимистонаи кӯдакон – 7 январ ба анҷом расид.

Дар гурӯҳи кӯдакони то 12-сола дастаи «Душанбе-Солор» ғолиб гардид. Медалҳои нуқра насиби дастаи Мактаби ҷумҳуриявии маҳорати олии варзишӣ оид ба футбол гардид. Медалҳои биринҷиро дастаи «Помир»-и пойтахт соҳиб шуд.

Дар мусобиқа байни футболбозони то 13-сола дастаи «Душанбе-Солор» ғолиби мусобиқот гардид. Ҷои дуюм насиби дастаи Мактаби ҷумҳуриявии маҳорати олии варзишӣ ва зинаи сеюм аз дастаи «Хоҷамбиё» шуд.

Байни кӯдакони то 12-сола Мирзомақсуд Мусофиров (МҶМОВ), Аминҷон Шарифов («Помир»), Ниёзи Аҳмадҷон (МҶМОВ) ва Далер Халилов («Душанбе-Солор») беҳтарин бозигар дар ҳайати дастаҳои худ эътироф гаштанд. Беҳтарин нишонзани мусобиқа Билол Исматов («Душанбе-Солор») ва беҳтарин бозигар Имрон Маҳмудов («Душанбе-Солор») эълон гардиданд.

Кумитаи тадорукоти мусобиқа Абдулло Идиев («Хоҷамбиё»), Фирдавс Муҳаммадҷонов (МҶМОВ), Муҳаммад Содиров («Душанбе-Солор») ва Фотеҳ Гадобоевро (КМВА) беҳтарин бозигар дар дастаҳои хеш байни кӯдакони то 13-сола эълон кард. Ҷоизаи нишонзани беҳтарини мусобиқа ба Александр Холиқназаров («Помир») ва бозигари беҳтарин ба Иброҳим Муродов («Душанбе-Солор») тақдим гардид.

АКС: Федератсияи футболи Тоҷикистон

Январь 8, 2025 09:49

Хабарҳои дигари ин бахш

Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт