Ҳамкории Тоҷикистон ва Испания дар соҳаи сайёҳӣ тақвият меёбад
ДУШАНБЕ, 20.02.2025. /АМИТ «Ховар»/. 19 феврал Раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумъахонзода ва Сафири Шоҳигарии Испания дар Ҷумҳурии Тоҷикистон Луис Франсиско масъалаи рушди ҳамкорӣ дар самти сайёҳӣ ва мусоидати бахши хусусӣ барои иштирок дар намоишгоҳҳои байналмилалии сайёҳиро, ки дар давлатҳои ҳамдигар баргузор мегарданд, баррасӣ намуданд. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Ҷонибҳо оид ба иқтидори сайёҳии давлатҳо ва зиёд намудани шумораи сайёҳон аз ҳарду ҷониб ибрози назар намуданд.
Зимни вохӯрӣ зарфияти Тоҷикистон бо доштани табиати зебову нотакрор, таъриху фарҳанги пурғановат, хӯрокҳои миллӣ ва урфу одати хосса, ки метавонад сайёҳони аврупоӣ, махсусан испаниро ба худ ҷалб намояд, муаррифӣ гардид.
Ёдовар мешавем, ки Раиси Кумитаи рушди сайёҳии назди Ҳукумати Ҷумҳурии Тоҷикистон Ҷамшед Ҷумъахонзода 18 феврал бо директори Агентии ҳамкории техникӣ ва рушд (ACTED) Ян Севере низ вохӯрӣ намуд.
Зимни вохӯрӣ тақвият додани ҳамкорӣ бо ташкилоти ғайритиҷоратии Агентии ҳамкории техникӣ ва рушди Фаронса баррасӣ гардид.
Ҷонибҳо инчунин вобаста ба беҳтаргардонии инфрасохтор ва таблиғу ташвиқи имконоти сайёҳии Тоҷикистон, ки мавриди ҷалбу диққати сайёҳону ҷаҳонгардон гардидаанд, ибрози андеша намуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе оид ба нақши сайёҳӣ дар рушди иқтисоди миллӣ ҳамоиши байналмилалӣ баргузор шуд
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
Ҳамкории Палатаи ҳисоби Тоҷикистон бо Ташкилоти байналмилалии рушди ИНТОСАЙ тақвият меёбад
Ҳамкории Тоҷикистон ва Эфиопия дар соҳаи авиатсия баррасӣ шуд
Паёми Президенти Тоҷикистон ба Маҷлиси Олӣ ба намояндагони субъектҳои хизматрасони соҳаи сайёҳӣ тавзеҳ дода шуд
Мақомоти гумруки Тоҷикистон 6 ҳазору 490 қуттӣ маҳсулоти тамокуи ба таври қочоқ воридшударо ошкор намуд
Дар ноҳияи Муъминобод 4 ҳазору 92 тонна ангур ҷамъоварӣ карда шуд
БА ТАВАҶҶУҲИ ШИРКАТҲОИ НАҚЛИЁТӢ. Дар Русия ва Беларус низоми муҳру муми навигатсионӣ ҳангоми ҳамлу нақли автомобилӣ амалӣ шуд
Дар Теҳрон масъалаи таҳвили нафти хом аз Эрон ба Тоҷикистон баррасӣ гардид
Дар фурудгоҳҳои байналмилалии Тоҷикистон таҷҳизоти техникии «Дарвозаҳои электронӣ» насб карда мешавад
