Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи кори холӣ баргузор гардид
ДУШАНБЕ, 23.02.2025 /АМИТ «Ховар»/. Дар Донишгоҳи давлатии ҳуқуқ, бизнес ва сиёсати Тоҷикистон дар ҳамкорӣ бо раёсати Агентии меҳнат ва шуғли аҳолӣ дар вилояти Суғд намоиши ҷойи кори холӣ ва намоиш- фурӯши маҳсулоти истеҳсоли корхонаҳои ватанӣ доир гардид. Дар ин хусус ба АМИТ «Ховар» дар ин донишгоҳ хабар доданд.
Ярмарка бо мақсади рушди касбияти донишҷӯён ва бо ҷойи кор таъмин намудани хатмкунандагон ташкил гардид.
Ректори донишгоҳ Ҳомид Ҳошимзода иброз намуд, ки яке аз ҳадафҳои меҳварии давлату Ҳукумати мамлакат бо ҷойи кор таъмин намудани аҳолӣ ва ба шуғл фаро гирифтани хатмкунандагон мебошад. «Ҳамасола бо ташаббуси донишгоҳ бо мақсади рушди касбияти донишҷӯён ва бо ҷойи кор таъмин намудани хатмкунандагон дар ҳамкорӣ бо раёсати Агентии меҳнат ва шуғли аҳолӣ дар вилояти Суғд, ташкилоту муассисаҳои молиявӣ, корхонаҳои истеҳсолию тиҷоратӣ намоиши ҷойи холии кор баргузор мешавад»,-баён дошт ӯ.
Иброз гардид, ки ба шуғл фаро гирифтани ҷавонон, бахусус хатмкунандагони муассисаҳои таҳсилоти олии касбии мамлакат яке аз масъалаҳои меҳварии Ҳукумати мамлакат маҳсуб шуда, дар ин самт якчанд барномаи давлатӣ қабул ва амалӣ мегардад. Вобаста ба ин масъалаи муҳиму афзалиятнок имрӯзҳо дар Донишгоҳи давлатии ҳуқуқ, бизнес ва сиёсати Тоҷикистон корҳои зиёде ба сомон расонида мешаванд. Ҳадафи асосии онҳо мусоидат барои бо кори доимӣ таъмин гардидани хатмкунандагон, паст кардани сатҳи бекорӣ, танзими бозори меҳнат ва ба ин васила таъмини зиндагии шоистаи мардум ба ҳисоб меравад. Раёсати донишгоҳ бо мақсади боз ҳам беҳтар гузаронидани раванди таҷрибаомӯзӣ ва бо ҷойи кори доимӣ таьмин намудани хатмкунандагон бо 195 корхонаю ташкилот шартномаи ҳамкорӣ дорад.
Иттилоъ дода шуд, ки аз ҷониби муассисаю ташкилоти ватанӣ беш аз 2000 ҷойи кори холӣ пешниҳод гардид. Садҳо нафар хатмкунандагон ва донишҷӯёни донишгоҳҳои ҳудуди вилояти Суғд ба шуғл фаро гирифта шуданд, ки музди маоши онҳо аз 1500 то 5000 сомонӣ пешниҳод гардид.
АКС: Донишгоҳи давлатии ҳуқуқ, бизнес ва сиёсати Тоҷикистон
Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
Дар Донишгоҳи давлатии Хуҷанд омӯзиши забони фаронсавӣ баррасӣ гардид
Дар Академияи идоракунии давлатӣ оид ба таҷдид ва рушди фарҳанги миллӣ машварати илмӣ баргузор шуд
Донишгоҳи давлатии Хуҷанд ва Донишгоҳи почта ва телекоммуникатсияи Чунсини Чин Ёддошти тафоҳум ба имзо расониданд
Дар Донишгоҳи давлатии тиҷорати Тоҷикистон Стратегияи муқовимат ба терроризм ва экстремизм дар Ҷумҳурии Тоҷикистон баррасӣ гардид
Донишгоҳи давлатии Бохтар бо Донишгоҳи Ҳамад ибни Халифаи Қатар ҳамкориро тақвият мебахшад
Ректорони донишгоҳҳои Тоҷикистон бо ректори Донишгоҳи Ҳамад ибни Халифаи Қатар вохӯрӣ намуданд
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
Дар Литсей барои хонандагони болаёқат дар шаҳри Душанбе бахшида ба Рӯзи Парчами давлатӣ ҳамоиш баргузор гардид
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
