Дар Душанбе ҳамкории муассисаҳои илмии Тоҷикистон ва Шоҳигарии Арабистони Саудӣ баррасӣ гардид
ДУШАНБЕ, 19.02.2025 /АМИТ «Ховар»/. 18 феврал зимни мулоқоти президенти Академияи миллии илмҳои Тоҷикистон Қобилҷон Хушвахтзода ва Сафири Фавқулода ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон ар-Решайдон ҷонибҳо барои тавсеи ҳамкорӣ дар самти илм изҳори ҳавасмандӣ намуданд. Дар ин хусус ба АМИТ «Ховар» аз Академияи миллии илмҳои Тоҷикистон хабар доданд.
Қобилҷон Хушвахтзода дар бораи самтҳои афзалиятноки фаъолияти илмии Академияи миллии илмҳои Тоҷикистон маълумоти мушаххас дод. Пешниҳод гардид, ки дар оянда рӯйхати як зумра олимони муассисаҳои илмии Арабистони Саудӣ ба Раёсати Академияи миллии илмҳои Тоҷикистон манзур шавад, то онҳо ба сафи аъзои хориҷии академия ворид гарданд.
Дар вохӯрӣ масъалаҳои густариши ҳамкории муассисаҳои илмиии ду давлат, баргузор намудани конфронсу симпозиумҳо ва мизҳои мудаввари сатҳи байналмилалӣ, таъсиси парки технологӣ дар пояи Академияи миллии илмҳо, ба забонҳои тоҷикӣ ва арабӣ тарҷума намудани асарҳои арзишманди шоирону мутафаккирони барҷастаи ду мамлакат ва ғайра баррасӣ гардиданд. Ҷонибҳо дар доираи созишномаҳо барои амалӣ намудани корҳои муҳим ба мувофиқа расиданд.
Таъкид гардид, ки имрӯз сатҳи муносибатҳо байни ду мамлакат зери сиёсати дӯстонаи роҳбарони олии ду давлат дар сатҳи бисёр хуб қарор дорад.
Дар анҷоми мулоқот Сафир Валид ибни Абдураҳмон ар-Решайдон ваъда дод, ки ба Академияи миллии илмҳои Тоҷикистон дастгоҳи замонавӣ аз ширкати CISCO – NETWORK барои ба тариқи маҷозӣ баргузор намудани конфронсу мулоқот тақдим мегардад. Он рӯзҳои наздик аз ҷониби мутахассисони ширкати CISCO – NETWORK насб карда мешавад.
АКС: Академияи миллии илмҳои Тоҷикистон
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
