Дар Душанбе вобаста ба баланд бардоштани сифати омӯзиши забонҳо конференсияи байналмилалӣ доир шуд
ДУШАНБЕ, 01.02.2025 /АМИТ «Ховар»/. 30 январ дар шаҳри Душанбе бо ташаббуси Академияи таҳсилоти Тоҷикистон дар мавзуи «Баландбардории сифати омӯзиши забонҳо дар заминаи муносибати коммуникативӣ ва босалоҳият ба таълим» конференсияи байналмилалӣ баргузор гардид.
Тавре ба АМИТ «Ховар» дар Академияи таҳсилот хабар доданд, дар конференсия олимону мутахассисон аз муасиссаҳои таълимӣ ва илмии ҷумҳурӣ, намояндагони шуъбаҳои маориф, ҳамзамон олимону коршиносони соҳа аз кишварҳои аъзои Иттиҳоди Давлатҳои Мустақил ба тариқи маҷозӣ иштирок намуданд.
Президенти Академияи таҳсилоти Тоҷикистон Шодӣ Сафаров нақши кормандону муҳаққиқони академияро дар иҷрои вазифаҳое, ки ба таҷдиди назар ва такмили стандарту барномаҳои таълим, таҳияи китобҳои дарсии насли нав ва такмили методикаи таълими забонҳои хориҷӣ нигаронида шудаанд, таъкид намуд.
Дар конференсия оид ба навгониҳо ва имконияти омӯзиши забони русӣ дар даврони рақамикунонӣ, роҷеъ ба хусусияти таҳсилот дар қарни XXI, аз ҷумла рушди зеҳният ва эҷодкории хонандагон, оид ба раҳёфтҳои навоварона дар таълиму омӯзиши забони тоҷикӣ ҳамчун забони хориҷӣ (барои англисизабонон) маърузаҳо пешниҳод шуданд.
Яке аз масъалаҳои муҳим дар конференсия таҳлили фаъолият ва саҳми мутахасисону олимони ҷумҳурӣ дар татбиқи сиёсати Ҳукумати Тоҷикистон дар соҳаи маориф буд.
Иштирокчиёни конференсия доир ба масъалаҳои муҳими марбут ба таълиму омӯзиши забонҳо ва баланд бардоштани сифати таҳсил табодули назар намуданд. Таъкид гардид, ки имрӯз дар баробари таҳлилу баррасиҳои масъалаҳои сирф назариявӣ ба татбиқи амалии натиҷаҳои таҳқиқоти олимон рӯй овардан хеле муҳим аст.
АКС: Академияи таҳсилоти Тоҷикистон
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
