Дар Кӯшониён даври ноҳиявии «Сад ранги чакан» баргузор гардид
ДУШАНБЕ, 24.02.2025. /АМИТ «Ховар»/. Дар ноҳияи Кӯшониёни вилояти Хатлон даври ноҳиявии Фестивали «Сад ранги чакан» ва намоиш-фурӯши ҳунарҳои мардумӣ, аз қабили нақшдӯзию зардӯзӣ, чакану гулдӯзӣ, порадӯзию читгарӣ ва дигар намуди маҳсулоти ҳунарӣ баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Кӯшониён хабар доданд.
Зимни баргузории фестивал гулдухтарони чаканпӯш ва ҳунармандон аз ҷамоатҳои шаҳраку деҳоти ноҳия либосҳои қадимии чакан, либосҳои кӯдакона, либосҳои рӯзмарра, либосҳои маросимӣ ва идона, либосҳои расмӣ ва навъҳои гуногуни сӯзанидӯзиро ба намоиш гузоштанд.
Баргузории фестивал яке аз тадбирҳои гиромидошти арзишҳои асили фарҳангӣ буда, ба тарғибу ташвиқи либоси миллӣ, баланд бардоштани эътибори нақшу нигор, сӯзанидӯзию гулдӯзии матоъҳои миллӣ ва намоиш додани ҳунари волои тарроҳону ҳунармандони ватанӣ мусоидат менамояд.
Ёдовар мешавем, ки Фестивали ҷумҳуриявии «Сад ранги чакан» ва намоиш-фурӯшӣ он бо мақсади баланд бардоштани эҳсоси ватандӯстию худшиносӣ, ифтихори миллӣ, арҷ гузоштан ба таъриху тамаддун, фарҳанг, расму оинҳои миллию мардумӣ, муаррифии санъату ҳунари волои халқи тоҷик дар арсаи байналмилалӣ ва баланд бардоштани мақому манзалати либоси миллӣ баргузор мегардад.
АКС: Мақомоти иҷроияи ҳокимияти давлатии ноҳияи Кӯшониён
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
