Дар Осорхонаи миллии Тоҷикистон ба ифтихори 700-солагии Ҳофизи Шерозӣ маҳфили ҳофизхонӣ баргузор шуд
ДУШАНБЕ, 19.02.2025 /АМИТ «Ховар»/. «Ҳофизи Шерозӣ – ғазалсарои шаҳири тоҷик»-таҳти ин унвон имрӯз дар Осорхонаи миллии Тоҷикистон ба ифтихори 700-солагии шоири ғазалсарои тоҷику форс Ҳофизи Шерозӣ маҳфили илмӣ-фарҳангӣ баргузор гардид.
Тавре ба АМИТ «Ховар» аз Осорхонаи миллӣ иттилоъ доданд, дар маҳфил директори Осорхонаи миллӣ Зафаршо Иброҳимзода доир ба ҳаёту эҷодиёти илмию адабии Хоҷа Ҳофизи Шерозӣ сухан намуд.
Иброз гардид, ки шоир ва мутафаккири бузург Ҳофизи Шерозӣ аз зумраи бузургтарин шоирони тоҷику форси асри XIV аст, ки бо гузашти чанд аср ғазалиёти дилкаши ӯ ҳамрозу ҳамрадифи мардумони гуногунқавму гуногунфарҳанг боқӣ мондааст. Дар Осорхонаи миллӣ нусхаҳои дастнавис ва китобҳои чопи сангии девони Ҳофиз дар радифи пурарзиштарин осори таърихию фарҳангӣ ҳифз ва муаррифӣ мешаванд.
Сипас, аз ҷониби кормандони Осорхонаи миллӣ саҳнаи театрикунонида оид ба рӯзгори Хоҷа Ҳофизи Шерозӣ ва вохӯрии ӯ бо Амир Темур пешниҳоди иштирокдорони маҳфил гардонида шуд. Ҳамзамон аз ҷониби ҷавонону наврасон ғазалҳо аз ашъори ноби Хоҷа Ҳофизи Шерозӣ қироат шуданд. Дар анҷом аз ҷониби роҳбарияти Осорхонаи миллӣ ба наврасон барои иштироки фаъол дар маҳфили «Ҳофизи Шерозӣ-ғазалсарои шаҳири тоҷик» «Сипоснома»-и Осорхонаи миллӣ тақдим гардид.
Бояд гуфт, ки соли равон дар Тоҷикистон 700-солагии шоири ғазалсарои тоҷику форс Ҳофизи Шерозӣ ҷашн гирифта мешавад. Дар ин замина дар тамоми шаҳру ноҳияҳои мамлакат оид ба ҳаёт ва эҷодиёти ин шоири ғазалсаро бо иштироки муҳаққиқон, донишмандон ва шоирон маҳфилҳои илмӣ-адабӣ ва конфронсу ҳамоишҳо гузаронида мешаванд.
АКС: Осорхонаи миллии Тоҷикистон
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
