Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
ДУШАНБЕ, 22.02.2025 /АМИТ «Ховар»/. Имрӯз Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ мухтарам Эмомалӣ Раҳмон зимнӣ суханрони дар Паради ҳарбӣ ба муносибати 32-солагии таъсиси Қувваҳои Мусаллаҳ бо ифтихор ва қаноатмандӣ иброз намуданд, ки ҳайати шахсии Қувваҳои Мусаллаҳ дар муддати 32 соли сипаригардида ҳифзи истиқлолу озодии мамлакат, ҳимояи марзу буми сарзамини аҷдодӣ, амнияти давлат ва ҷомеа, сулҳу оромӣ ва суботи сиёсиро дар мамлакат ҷавонмардона ва бо садоқат ба халқу Ватан таъмин менамояд.
«Дар ҳар давру замон ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва вазифаи пуршараф ба ҳисоб меравад, — таъкид намуданд Сарвари давлат. — Тоҷикон аз замонҳои хеле қадим ҳамчун миллати фарҳангиву сулҳдӯст, соҳибмаърифату тамаддунсоз ва ободкору созанда шинохта шудаанд».
Пешвои миллат ёдовар шуданд, ки давоми таърихи чандинҳазорсолаи миллати мо фарзандони далеру фидокори он, аз қабили Муқаннаъ, Спитамен, Деваштичу Темурмалик, Восеъ ва ҳазорон нафари дигар барои ҳимояи сарзамини муқаддаси аҷдодӣ қаҳрамониву ҷоннисориҳо намудаанд ва ба наслҳои имрӯза аз худ намунаи ибрати ҷовидонӣ боқӣ гузоштаанд.
Таъкид гардид, ки аз рӯзҳои аввали эълон гардидани Истиқлоли давлатӣ ва ташкили давлати соҳибихтиёри тоҷикон масъалаи таъсис додани Қувваҳои Мусаллаҳ дар назди Ҳукумати мамлакат ҳамчун вазифаи аввалиндараҷа қарор дошт.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Фармондеҳи Гвардияи миллии Ҷумҳурии Тоҷикистон бо директори Хадамоти Федералии қӯшунҳои Гвардияи миллии Федератсияи Русия мулоқот намуд
Ҳамкории ҳарбӣ ва ҳарбӣ-техникии Тоҷикистону Русия баррасӣ гардид
Дар Душанбе беш аз 20 садамаи нақлиётӣ бо иштироки скутер ва худравҳои барқӣ сабт карда шудааст
Ҳайати Тоҷикистон дар пленум ва анҷумани созмонҳои мудофиавии ИДМ иштирок намуд
Дар Душанбе аз 8 то 12 октябр ҳаракати воситаҳои нақлиёт маҳдуд ва фаъолияти баъзе бозорҳои марказӣ қатъ карда мешавад
Дар Душанбе аз 8 то 12 октябр ҳаракати воситаҳои нақлиёт маҳдуд карда мешавад
«Динамо»-и Вазорати корҳои дохилии Тоҷикистон дар мусобиқаи байналмилалии футзал сазовори ҷойи сеюм гардид
ДАЪВАТИ ТИРАМОҲӢ. Ҷавонони ноҳияи Ҷалолиддини Балхӣ сарбаландона ба сафи Артиши миллӣ пайвастанд
Дар Хатлон Рӯзи даъватшавандаро бо тантана баргузор намуданд
ДАЪВАТИ ТИРАМОҲӢ. Дар Суғд маросими гусели даъватшавандагон ба хизмати ҳарбӣ доир шуд
Ҷавонони далери шаҳри Ваҳдат бо ҳисси баланди масъулият ва ифтихор аз Тоҷикистон ба сафи Артиши миллӣ пайвастанд
ДАЪВАТИ ТИРАМОҲӢ. Даъватшавандагони ноҳияи Мастчоҳ сафи Қувваҳои Мусаллаҳи Тоҷикистонро пурра намуданд
