НИШАСТИ МАТБУОТӢ. Соли 2024 кишоварзони ноҳияи Лахш беш аз 100 ҳазор тонна картошка истеҳсол намуданд
ЛАХШ, 04.02.2025 /АМИТ «Ховар»/. Мувофиқи ҳисоботи оморӣ, сокинони ноҳияи Лахш соли 2024 дар ҳама шаклҳои хоҷагидорӣ, яъне дар заминҳои наздиҳавлигӣ, хоҷагиҳои деҳқонӣ ва заминҳои хоҷагии ёрирасон дар 5457 гектар картошка кишт намуданд. Тавассути сари вақт бо оби полезӣ таъмин намудану риояи қоидаҳои агротехникӣ 109 ҳазору 737 тонна картошка истеҳсол шуд, ки қисми зиёди онро соҳибкорон ба бозорҳои ҷумҳурӣ содирот намуданд. Ин матлабро Раиси ноҳияи Лахш Каромиддин Холзода 1 феврал зимни нишасти матбуотӣ баён дошт.
Иброз гардид, ки «Барномаи рушди иҷтимоию иқтисодии ноҳияи Лахш барои солҳои 2021-2025» 114 лоиҳаро дар бар мегирад, ки маблағи амалишавии лоиҳаҳо 163 миллиону 740 ҳазор сомонӣ мебошад. Ба ҳолати якуми январи соли 2025 дар ноҳияи Лахш аз 114 лоиҳа 83 лоиҳа амалӣ гардида, 97 миллиону 620 ҳазор сомонӣ азхуд карда шудааст.
Тавре дар нишасти матбуотӣ гуфта шуд, барои дар сатҳи баланд таҷлил намудани ҷашни бузурги миллӣ- 35-солагии Истиқлоли давлатии Ҷумҳурии Тоҷикистон дар ноҳияи Лахш бунёди 124 иншооти дорои аҳамияти гуногун ба нақша гирифта шудааст. То имрӯз 64 иншоот мавриди истифода қарор гирифта, дар 60 иншооти боқимонда корҳои сохтмонӣ ва лоиҳакашӣ идома доранд.
Субҳониддини МАҲМУД,
АМИТ «Ховар»
АКС аз АМИТ «Ховар»
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
