Олимони тоҷик дар Намоишгоҳи байналмилалии ихтироъкории Ховари Миёна 2 медали тилло ва як нуқра ба даст оварданд
ДУШАНБЕ, 20.02.2025. /АМИТ «Ховар»/. Аз 16 то 19 феврал дар Давлати Кувайт Намоишгоҳи 15-уми байналмилалии ихтироъкорӣ дар Ховари Миёна баргузор гардида, дар он намояндагони Донишгоҳи миллии Тоҷикистон соҳиби 2 медали тилло ва як нуқра гардиданд. Дар ин хусус ба АМИТ «Ховар» аз Донишгоҳи миллии Тоҷикистон хабар доданд.
Дар намоишгоҳи сатҳи байналмилалии пайванди илм бо истеҳсолот аз 42 давлати дунё 197 ихтироъкор дар зиёда аз 50 самти илмӣ навгониҳои илмӣ пешниҳод намуданд. Дар ин намоишгоҳ 6 нафар олимону профессорон ва ихтироъкорон аз муассисаҳои олии Ҷумҳурии Тоҷикистон иштирок намуданд.
Баъд аз натиҷагирии ҳайати баландпояи ҳакамон, ки аз муассисаҳои бонуфузи таълимӣ, илмӣ ва истеҳсолӣ созмон ёфта буд, 19 феврал маросими ҷоизасупорӣ баргузор гардид.
Ихтирооти пешниҳодшуда бештар ба самти илмҳои табиатшиносӣ ва техникӣ бахшида шуда буд. Ҳайати ҳакамон ба ихтирооти олимони тоҷик баҳои баланд доданд. Инчунин таваҷҷуҳи сармоягузорони Вазорати иқтисод ва савдои давлати Кувайт ба ихтирооти олимони Тоҷикистон бештар гашта, дар зимн масъалаҳои грантҳои илмӣ байни олимони тоҷик ва давлати Кувайт баррасӣ шуданд.
Бояд таъкид намуд, ки дар доираи сиёсати маорифпарваронаи Президенти Ҷумҳурии Тоҷикистон муҳтарам Эмомалӣ Раҳмон дар робита ба татбиқи илм бо истеҳсолот, ҳамзамон амалӣ гардидани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (солҳои 2020-2040) дар ҳамаи самтҳо тадбирҳои муҳим андешида мешаванд. Иштироки олимони соҳа ва муҳаққиқони ҷавон дар озмуну олимпиадаҳои сатҳи ҷумҳуриявию байналмилалӣ далели ин аст.
АКС: Донишгоҳи миллии Тоҷикистон
«ИЛМ-ФУРӮҒИ МАЪРИФАТ». 27 октябр маросими қадрдонии ғолибони ҷойҳои ифтихории даври ҷумҳуриявии озмун доир мешавад
Масъалаи пайваст намудани муассисаҳои таълимии Тоҷикистон ба интернет баррасӣ шуд
Соли 2025 хонандагони муассисаҳои таълимии ноҳияи Данғара дар олимпиадаҳои байналмилалӣ соҳиби 148 медал гардиданд
72 оилаи омӯзгорони Донишгоҳи давлатии Данғара бо манзили истиқоматӣ таъмин мегарданд
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
