Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
ДУШАНБЕ, 07.02.2025 /АМИТ «Ховар»/. 6 феврал мулоқоти директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода бо директори бахши Осиёи Марказии Агентии давлатии иттилоотии «Синхуа» -и Ҷумҳурии Мардумии Чин Ҷао Юй баргузор гардид, ки зимни он ҷонибҳо масъалаи таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чинро мавриди баррасӣ қарор доданд. Дар ин хусус ба АМИТ аз Маркази тадқиқоти стратегӣ хабар доданд.
Хайридин Усмонзода оид ба самтҳои фаъолияти илмӣ-таҳлилии марказ маълумот пешниҳод намуда, изҳор дошт, ки марказ ва ниҳодҳои таҳқиқотии Чин дар сатҳи назаррас ҳамкории илмию таҳлилӣ менамоянд.
Ҷао Юй аз пазироии самимӣ изҳори миннатдорӣ намуда, дар бораи фаъолияти бахши Осиёи Марказии Агентии давлатии иттилоотии «Синхуа» -и Ҷумҳурии Мардумии Чин маълумоти муфассал пешниҳод намуд. Мавсуф ҳавсмандии ҷониби Агентиро барои рушди ҳамкорӣ дар самти нашр ва паҳни маводи таҳлилӣ бо марказ таъкид намуд.
Ҷонибҳо изҳори умед карданд, ки ҳамкорӣ байни Маркази тадқиқоти стратегӣ ва бахши Осиёи Марказии Агентии давлатии иттилоотии «Синхуа» -и Ҷумҳурии Мардумии Чин ба густариши минбаъдаи равобити Тоҷикистон ва Чин мусоидат мекунад.
Зимни мулоқот директори Агентии «Синхуа» иброз намуд, ки соли равон Саммити Чин+Осиёи Марказӣ (5+1) дар шаҳри Остонаи Ҷумҳурии Қазоқистон ва Саммити Сарони давлатҳои Созмони ҳамкории Шанхай (ШОС) дар Чин баргузор мегардад. Вобаста ба ин изҳори умед карда шуд, ки бо Маркази тадқиқоти стратегӣ дар бозтоби иттилотии ин чорабиниҳо ҳамкорӣ амалӣ гардад.
Директори Маркази тадқиқоти стратегӣ иттилоъ дод, ки 10 октябри соли 2025 таҳти раисии ҷониби Тоҷикистон нишасти сарони кишварҳои аъзои Иттиҳоди Давлатҳои Мустақил дар шаҳри Душанбе баргузор мегардад.
Ҳамзамон 29-31 майи соли равон дар шаҳри Душанбе Конфронси байналмилалии сатҳи баланд оид ба ташаббуси Президенти Ҷумҳурии Тоҷикистон вобаста ба ҳифзи пиряхҳо бо ҷалби коршиносону таҳлилгарон доир мешавад. Дар ин маврид мусоидати иттилоотии Агентии «Синхуа» дар муарифии раванди ин нишастҳо муҳим арзёбӣ мегардад.
АКС: Маркази тадқиқоти стратегии назди Президенти Ҷумҳурии Тоҷикистон
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
