Таъмиру таҷдиди роҳи автомобилгарди Чимтеппа-Шарора-Ҳисор оғоз гардид
ДУШАНБЕ, 03.02.2025 /АМИТ «Ховар»/. Бо ибтикори Мақомоти иҷроияи ҳокимияти давлатии шаҳри Ҳисор корҳои таъмиру таҷдиди роҳи автомобилгарди Чимтеппа-Шарора-Ҳисор, ки 21 км –ро ташкил дода, аз ҳудуди Ҷамоати шаҳраки Шарора мегузарад, оғоз гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Зимни оғози корҳои таъмиру таҷдиди роҳи автомобилгарди Чимтеппа-Шарора-Ҳисор изҳор гардид, ки ин иқдом бо дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар доираи корҳои ободонию созандагӣ бахшида ба 35-солагии Истиқлоли давлатии Ҷумҳурии Тоҷикистон шуруъ гардида, бо сатҳу сифати баланд амалӣ мешавад.
Сипас техникаҳои пуриқтидори роҳсозӣ ба таъмиру таҷдиди роҳ шуруъ карданд.
Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон Мақомоти иҷроияи ҳокимияти давлатии ноҳияҳои шаҳри Душанбе ва шаҳру ноҳияҳои ҳамшафати пойтахт — Ҳисор, Ваҳдат, Рӯдакӣ ва Варзоб уҳдадор шуданд, ки дар ҳамкорӣ бо вазорату идораҳои дахлдор, ҷалби соҳибкорон ва маблағҳои буҷетӣ роҳҳои алтернавиро, ки тавассути онҳо нақлиёти зиёд, аз ҷумла боркаш вориди шаҳри Душанбе шуда, боиси вайрон шудани роҳҳо ва танбашавии нақлиёт мегарданд, таъмиру таҷдид намоянд.
Тибқи нақша ва лоиҳаи таҳияшуда ба шаҳри Ҳисор таъмири 21 км, шаҳри Ваҳдат 16 км, ноҳияи Рӯдакӣ 14 км ва ноҳияи Варзоб 3 км роҳ вогузор карда шудааст.
АКС: Мақомоти иҷроияи ҳокимияти давлатии шаҳри Ҳисор
35-СОЛАГИИ ИСТИҚЛОЛИ ДАВЛАТӢ. Бо бунёди иншооти муосир симои шаҳри Ваҳдат ба куллӣ дигаргун гардидааст
Дар болои Сирдарё пули нави иловагии мошингард сохта мешавад
Сокинони деҳаи Сангпари шаҳри Кӯлоб бо оби нӯшокии босифат таъмин гаштанд
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
