Барномаи маърифати экологӣ дар шаҳри Душанбе баррасӣ шуд
ДУШАНБЕ, 14.03.2025 /АМИТ «Ховар»/. Масъалаи татбиқи «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021–2025» дар ҷаласаи кории назоратии назди муовини Сарвазири Ҷумҳурии Тоҷикистон Сулаймон Зиёзода дар Душанбе баррасӣ гардид. Дар ин хусус ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Дар ҷаласа роҳбарияти сохторҳои давлатӣ ва аъзои Комиссияи байниидоравӣ оид ба маърифати экологӣ иштирок намуданд.
Таъкид гардид, ки ҳифзи муҳити зист ва баланд бардоштани сатҳи маърифати экологии аҳолӣ аз самтҳои афзалиятноки сиёсати давлатӣ мебошад.
«Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021–2025» ҳадафи муайян дорад, ки бо баргузории чорабиниҳои гуногуни маърифатӣ, такмили барномаҳои таълимӣ ва густариши ҳамкорӣ бо ҳамаи ниҳодҳои дохилӣ ва созмонҳои байналмилалӣ фарҳанги экологии ҷомеаро баланд бардорад.
Муовини Сарвазири Тоҷикистон дастур дод, ки барои татбиқи босамари барнома ҳамаи сохторҳои дахлдор бояд чораҳои заруриро дида, кор бо ҷомеа ва муассисаҳои таълимиро дар баланд бардоштани сатҳи огоҳӣ ва маърифати экологӣ таҳким бахшанд. Ҳамзамон пешниҳод карда шуд, ки бо истифода аз технологияҳои муосир ва воситаҳои ахбори омма дар байни табақаҳои гуногуни ҷомеа маърифати экологӣ тарғиб карда шавад.
Пас аз шунидани ҳисобот ва баррасии ҳаматарафаи масъалаҳои марбута доир ба иҷрои саривақтию босифати барнома, ки соли равон муҳлати татбиқи он ба анҷом расида, натиҷагирӣ карда мешавад, қарорҳои дахлдор қабул гардиданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
Имрӯз дар Душанбе вохӯрии чоруми вазирони саноати СҲИ баргузор гардид
Президенти Тоҷикистон: «Шумораи корхонаҳои саноатӣ дар Суғд дар солҳои соҳибистиқлолӣ 11 баробар афзоиш ёфт»
Ҷаласаи Шуро оид ба сайёҳии давлатҳои аъзои ИДМ баргузор шуд
Татбиқи лоиҳаҳои муштарак барои рушди устувори иқтисодӣ ва иҷтимоии Тоҷикистон бо Бонки исломии рушд баррасӣ шуд
Дар Душанбе ҷаласаи сеюми Гурӯҳи кории сатҳи баланди СҲИ оид ба саноат доир гардид
Дар Душанбе Форуми байналмилалии нассоҷӣ-Тоҷикистон–2026 баргузор гардид
Дар Тоҷикистон ҷамъоварии ангур идома дорад
Таҳкими ҳамкорӣ байни Тоҷикистон ва Созмони озуқаворӣ ва кишоварзӣ дар Рим баррасӣ гардид
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
