Дар Агентии амнияти химиявӣ бахшида ба Рӯзи байналмилалии ҳифзи пиряхҳо ҳамоиш доир гардид
ДУШАНБЕ, 21.03.2025. /АМИТ «Ховар»/. Ба ифтихори Рӯзи байналмилалии ҳифзи пиряхҳо дар Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ҳамоиши илмӣ баргузор гардид. Дар ин хусус ба АМИТ «Ховар» аз Агентии мазкур иттилоъ доданд.
Дар ҳамоиш иброз гардид, ки 14 декабри соли 2022 Маҷмаи Умумии Созмони Милали Муттаҳид дар иҷлосияи 77-ум қатъномаи «Соли 2025 — Соли байналмилалии ҳифзи пиряхҳо»-ро, ки аз ҷониби Ҷумҳурии Тоҷикистон пешбарӣ шуда буд, бо иттифоқи оро қабул намуд. Он дар таърихи фаъолияти Созмони Милали Муттаҳид яке аз қатъномаҳои нодир маҳсуб мешавад, зеро дар он ҳам эълони Рӯзи байналмилалии пиряхҳо ва ҳам Соли байналмилали ҳифзи пиряхҳо (2025) дарҷ гардидааст.
Гуфта шуд, ки Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ҳамчун ҳамоҳангсози миллии Агентии байналмилалии неруи атомӣ (АБНА) дар Тоҷикистон, дар пешбурди ин ташаббус саҳми худро мегузорад. Ниҳоди мазкур дар ҳамкорӣ бо АБНА лоиҳаҳои муҳимро амалӣ карда, ба ҳифзи пиряхҳо ва омӯзиши онҳо дар шароити тағйирёбии иқлим саҳми назаррас мегузорад.
Яке аз намунаҳои барҷастаи ин ҳамкорӣ лоиҳаи миллии TAD7004 мебошад. Соли 2022 коршиносони АБНА дар асоси ин лоиҳа аз Маркази омӯзиши пиряхҳои Академияи миллии илмҳои Тоҷикистон боздид намуда, ба фаъолият ва раванди корҳои илмӣ-таҳқиқотӣ баҳои баланд доданд. Лоиҳаи мазкур ба ташаккули иқтидори миллӣ барои арзёбии пиряхҳо ва барфҳо нигаронида шуда, ба пешгирии оқибатҳои манфии обшавии пиряхҳои Ҷумҳурии Тоҷикистон мусоидат менамояд.
Таъкид гардид, ки Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон дар доираи барномаҳои АБНА ва омодагӣ ба Конфронси байналмилалии сатҳи баланд оид ба ҳифзи пиряхҳо, ки моҳи майи соли 2025 дар шаҳри Душанбе ба нақша гирифта шудааст, баргузор намудани як чорабинии канорӣ бо иштироки намояндагон аз 30 давлати узви АБНА-ро дар нақша дорад.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Намояндаи Тоҷикистон дар брифинги Конвенсия оид ба ботлоқзор дар Женева иштирок намуд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
Намояндаи Тоҷикистон ба ҳайси раиси Мақомоти ёрирасон ҷиҳати татбиқи Конвенсияи СММ оид ба гуногунии биологӣ интихоб гардид
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
Оид ба тадқиқоти пиряхҳо ва раванди гузаронидани корҳои экспедитсионӣ машварати илмӣ-назариявӣ доир гардид
Сафири Тоҷикистон дар Амороти Муттаҳидаи Араб дар брифинги оид ба раванди омодагӣ ба Конфронси оби СММ-2026 иштирок намуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Президенти Ҷумҳурии Тоҷикистон Эмомалӣ Раҳмон дар Ҳамоиши Роҳбарон оид ба гуногунии биологӣ иштирок намуданд
ҲИФЗИ ПИРЯХҲО. Коҳиши пиряхҳои ҳавзаи Зарафшон метавонад ба амнияти экологии Осиёи Марказӣ таъсир расонад
АЗ ДИПЛОМАТИЯИ ОБ ТО ДИПЛОМАТИЯИ ПИРЯХҲО. Андешаҳо оид ба ташаббусҳои Президенти Тоҷикистон дар даврони истиқлолият
Сафири Тоҷикистон дар Австрия дар Симпозиуми байналмилалии об иштирок намуд
