Дар Ал-Кувайт бахшида ба 30-солагии барқароршавии муносибатҳои дипломатӣ байни Тоҷикистон ва Кувайт нишасти матбуотӣ баргузор гардид
ДУШАНБЕ, 30.03.2025. /АМИТ «Ховар»/. 28 март бахшида ба 30-солагии барқароршавии муносибатҳои дипломатӣ байни Ҷумҳурии Тоҷикистон ва Давлати Кувайт нишасти матбуотии Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода бо иштироки васеи намояндагони воситаҳои ахбори оммаи кишвари иқомат баргузор шуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд.
Сафир роҷеъ ба аҳаммияти ин санаи таърихӣ (31 марти 1995), аз ҷумла дастовардҳои муҳимми равобит суханронӣ намуда, таъкид кард, ки тӯли се даҳсолаи сипаришуда муносибатҳои Тоҷикистону Кувайт дар асоси эҳтироми мутақобила ва манфиатҳои муштарак устуворона рушд ёфтаанд.
Иброз гардид, ки омили асосии рушду таҳкими робитаҳои ҳасанаи Тоҷикистон бо Давлати Кувайт, пеш аз ҳама, сиёсати хориҷии мутавозин, шаффоф ва санҷидашудаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дониста шуд.
Тазаккур дода шуд, ки ҷониби Тоҷикистон нақши муассир ва саҳми Давлати Кувайтро дар татбиқи лоиҳаҳои муҳимми иҷтимоию иқтисодӣ дар Тоҷикистон, инчунин ҷонибдории ташаббусҳои байналмилалии кишвар баланд арзёбӣ мекунад.
Дар рафти нишаст масъалаҳои дурнамои таҳкими робитаҳои дипломатӣ, густариши ҳамкорӣ дар соҳаҳои сармоягузорӣ, маориф, илм, фарҳанг ва сайёҳӣ мавриди баррасӣ қарор гирифтанд.
Таъкид гардид, ки ҷонибҳо барои густариши ҳамкории судманд дар чаҳорчӯби созмонҳои байналмилалӣ ва минтақавӣ, аз ҷумла Созмони Милали Муттаҳид, Созмони ҳамкории исломӣ ва дигар ниҳодҳои байналмилалӣ манфиатдор мебошанд.
Гуфта шуд, ки солҳои охир ҳамкорӣ байни ду кишвар дар ҳамаи соҳаҳо ба сатҳи сифатан нав бароварда шуд. Аз ҷумла соли 2024 сафари расмии Президенти Ҷумҳурии Тоҷикистон муҳтарам Эмомалӣ Раҳмон ба Давлати Кувайт доир гардида, дар натиҷаи гуфтушунидҳо ва музокироти сатҳи олӣ тавофуқоти нав ҳосил шуд. Дар пасманзари сафари расмии Роҳбари давлат, 11-15 ноябри 2024 Рӯзҳои фарҳанги Тоҷикистон дар Давлати Кувайт ва 3-5 феврали 2025 ҷаласаи чоруми Комиссияи муштараки байниҳукуматии Тоҷикистону Кувайт оид ба ҳамкории иқтисодию тиҷоратӣ ва илмию техникӣ дар Ал-Кувайт баргузор гардид.
Бо хушнудӣ изҳор шуд, ки имрӯзҳо пойтахтҳои ду кишварро парвозҳои мустақим ба ҳам мепайвандад. Парвозҳои дар як ҳафта се маротиба амалӣ гардида, ба рушди соҳаи сайёҳӣ ва тиҷорати дуҷониба саҳм мегузорад.
Дар интиҳои нишасти матбуотӣ сафир ба суолҳои рӯзноманигорон вобаста ба нақша ва барномаҳои ояндаи ҳамкории дуҷониба посух дод.
АКС: Сафорати Ҷумҳурии Тоҷикистон дар Давлати Кувайт
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
Байни Ҷумҳурии Тоҷикистон ва Ҷумҳурии Исломии Эрон санадҳои нави ҳамкорӣ ба имзо расиданд
Дар Душанбе мулоқоти роҳбарони хадамоти консулии Тоҷикистон ва Русия баргузор шуд
