Дар доираи тарҳи минтақавии «CASA-1000» сохтмони истгоҳи конверторӣ бо иқтидори 1300 мегаватт ба анҷом расид
ДУШАНБЕ, 27.03.2025 /АМИТ «Ховар»/. Дар доираи Лоиҳаи минтақавии хати интиқоли барқи «CASA-1000» дар ноҳияи Кӯшониёни вилояти Хатлон сохтмони истгоҳи конверторӣ бо иқтидори 1300 мегаватт ба анҷом расид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Иншоот дар 43 гектар доман густурда, таҷҳизоти асосии он дар 25 гектар ҷойгир карда шудааст. Истгоҳ аз марҳилаи санҷиши техникӣ муваффақона гузашт. Иншоот дар асоси технологияҳои пешрафтаи ҷаҳонӣ бунёд гардида, имконият медиҳад, ки интиқоли барқ байни Осиёи Марказӣ ва Осиёи Ҷанубӣ самаранок ва бо талафоти камтар амалӣ гардад.
Лоиҳаи «CASA-1000» аввалин ташаббуси бузурги энергетикӣ мебошад, ки ду минтақаи муҳим — Осиёи Марказӣ ва Осиёи Ҷанубиро бо ҳам мепайвандад.
Илова бар ин лоиҳа на танҳо ба рушди инфрасохтори энергетикии Тоҷикистон мусоидат менамояд, балки дар таъмини устувории низоми барқи Осиёи Марказӣ ва Осиёи Ҷанубӣ низ нақши муҳим мебозад.
Татбиқи Лоиҳаи «CASA-1000» далели равшани саҳми Тоҷикистон дар рушди иқтисоди «сабз» ва гузариш ба манбаъҳои барқароршавандаи энергия мебошад.
Бо истифодаи босамари иқтидори гидроэнергетикӣ Тоҷикистон на танҳо дар таъмини бозори минтақавии неруи барқ саҳм мегузорад, балки мавқеи худро ҳамчун яке аз таъминкунандагони асосии энергияи аз ҷиҳати экологӣ тоза дар Осиё тақвият мебахшад.
АКС: Вазорати энергетика ва захираҳои оби Ҷумҳурии Тоҷикистон
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
