Дар Душанбе дар мавзуи «Баробарӣ ва тавонмандсозии гендерӣ: дурнамои рушди муосир» ҳамоиш баргузор гардид
ДУШАНБЕ, 15.03.2025 /АМИТ «Ховар»/. 13 март дар Душанбе бо ташаббуси Вазорати молияи Ҷумҳурии Тоҷикистон, Агентии коғазҳои қиматнок ва бақайдгирии махсуси Вазорати молия дар якҷоягӣ бо Корпоратсияи Байналмилалии Молиявӣ (IFC), аъзои Гурӯҳи Бонки ҷаҳонӣ (WBG), Созмони Милали Муттаҳид-Занон ва Бонки аврупоии таҷдид ва рушд (БАТР) дар доираи ташаббуси ҷаҳонии «Ring The Bell for Gender Equality» — пешбурди баробарии гендерӣ дар мавзуи «Баробарӣ ва тавонмандсозии гендерӣ: дурнамои рушди муосир» ҳамоиши сатҳи баланд баргузор шуд.
Тавре АМИТ «Ховар» бо истинод ба Вазорати молия хабар медиҳад, ҳадафи ин ташаббус ҷалби таваҷҷуҳи ҷомеаи ҷаҳонӣ ба дурнамои рушди баробарии гендерӣ дар заминаи сиёсатҳои рушди устувор ва принсипҳои ESG мебошад.
Дар ҷамъомад муовини аввали Вазири молияи Ҷумҳурии Тоҷикистон Юсуф Маҷидӣ, ҳамоҳангсози доимии Созмони Милали Муттаҳид дар Тоҷикистон хонум Парвати Рамасвамӣ ва Роҳбари Гурӯҳи Бонки ҷаҳонӣ дар Тоҷикистон Озан Севимли ва дигарон сухан намуданд. Иброз гардид, ки мо аз талошҳои худ дар самти пешбурди баробарии гендерӣ ифтихор дорем ва минбаъд низ барои бунёди ҷомеаи фарогир талош менамоем. Итминон дорем, ки иштироки занон дар иқтисодиёт на танҳо устувории низоми молиявиро афзун мекунад, балки дар рушди соҳибкорӣ низ саҳми назаррас мегузорад. Мо якҷоя метавонем кафолат диҳем, ки занон бояд ҳаракатро барои ояндаи устувор ва одилона пешбарӣ намоянд. Амалҳои дастҷамъонаи мо ба фароҳам овардани имконияти баробар барои занон ва духтарон дар Тоҷикистон нигаронида шудааст.
Таҳқиқот пайваста нишон медиҳанд, ки рафъи монеаҳои гендерӣ ба рушди иқтисодӣ мусоидат менамояд, камбизоатиро коҳиш медиҳад, ҳамбастагии ҷомеаро таҳким мебахшад ва некуаҳволии наслҳои ҳозира ва ояндаро беҳтар менамояд.
Дар ҷамъомад иштирокчиён барномаҳои мавҷудаи дастгирии занони соҳибкор, нақши сиёсати давлатӣ дар ноил шудан ба баробарии гендерӣ, таҳияи воситаҳои инноватсионии тавсеаи имконияти иқтисодии занон ва ғайраро баррасӣ намуданд.
АКС: Вазорати молияи Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
