Дар шаҳри Турсунзода Ҷашни байналмилали Наврӯзро бо шукуҳ таҷлил намуданд

Март 26, 2025 09:00

ДУШАНБЕ, 26.03.2025. /АМИТ «Ховар»/. Наврӯз оғози соли нав ва ибтидои тақвими нав буда, ба ҷашни баробаршавии шабу рӯз, инъикоскунандаи фалсафаи баробарии инсоният дар рӯи Замин табдил ёфтааст. Ин ҷашни аҷдодии мо шукуҳу шаҳомати беназир дошта, дар худ рамзи меҳрофарӣ, равшангароӣ, зебоидӯстӣ, ҳамнавоӣ бо табиату Замин, неруи тоза ва қавӣ пайдо намудан, ободкорию накӯкориро инъикос ва таҷассум намудааст. Бинобар ин ягон боду газанди рӯзгору зарбаҳои таърих натавонист Наврӯз ва арзишҳои муқаддаси онро аз байн барад. Ин матлаб зимни тантанаҳои нарвӯзӣ дар шаҳри Турсунзода баён гардид.

Тавре ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар шаҳри Трусунзода иттилоъ доданд, дар Ҷамоати деҳоти Қаратоғ бахшида ба Ҷашни байналмилалии Наврӯз намоиши ҳунарҳои мардумӣ, дастархони наврӯзӣ, ки иборат аз ҳафтсину ҳафтшин, хӯрокҳои миллӣ, гӯшаи мероси ниёгон, гӯшаи кишоварзон, гӯшаи варзишгарон ва дигар анъанаҳои наврӯзӣ иборат буд, ташкил гардид.

Дар ҷашни наврӯзии Ҷамоати деҳоти Қаратоғ иброз шуд, ки дар сарзамини куҳанбунёди мо, аз ҷумла шаҳри Турсунзода анъанаҳо ниёгон ва сунатҳои ин ҷашн ҳифз гардида, то ба имрӯз доир карда мешаванд. Мақоми Наврӯз дар фарҳанги тоҷик ва ҳамзамон дар тамаддуни ҷаҳонӣ арзишманд мебошад.

«Омӯзиш ва шинохти ҷашни Наврӯз, мақому мартаба ва идеяҳои арзишманди он то ҳол манзалаташонро гум накардаанд, балки боз асолату назокати наву рангин касб намуда, барои бедор намудани худшиносию хештаншиносии миллӣ ва арҷ гузоштан ба гузаштаамон барои наслҳои оянда хеле муҳим мебошанд. Ин ҷашн аз ҳамаи мо тақозо менамояд, ки пос доштану эҳтироми мероси аҷдодиамонро муқаддас шуморему ба наслҳои баъдӣ ба ёдгор бимонем», -такъкид шуд дар ҷашни наврӯзӣ.

АКС. Кумитаи иҷроияи Ҳизби Халқии Демократии Тоҷикистон дар шаҳри Трусунзода

Март 26, 2025 09:00

Хабарҳои дигари ин бахш

Таҷлили Ҷашни байналмилалии Наврӯз дар Донишгоҳи техникии алоқа ва информатикаи Москва
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
Дар мақомоти гумрук Наврӯзро бо оростани суфраи идона ва мусобиқаҳои варзишӣ истиқбол намуданд
Наврӯзи байналмилалӣ дар шаҳри Турсунзода ва ноҳияи Шаҳринав бо иштироки меҳмонон аз Узбекистон таҷлил гардид
Дар «Тоҷикаэронавигатсия» ҷашни ҷаҳонии Наврӯзро таҷлил намуданд
Пешвои миллат дар бораи Иди байналмилалии Наврӯз: «Эҳёи худшиносӣ бе тафаккури таърихӣ номумкин аст»
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Ҷашни байналмилалии Наврӯз дар «Амонатбонк» бо суманакпазӣ таҷлил гардид
Кормандони Суди конститутсионии Тоҷикистон Наврӯзи оламафрӯзро бо риояи оинҳои миллӣ таҷлил намуданд
Дар шаҳри Ҳисор бо иштироки меҳмонон аз Узбекистон базми наврӯзӣ баргузор шуд
Дар Вазорати мудофиаи Тоҷикистон Наврӯзи хуҷастапайро бошукуҳ таҷлил намуданд
Бахшида ба Ҷашни байналмилалалии Наврӯз дар шаҳри Бӯстон барномаҳои фарҳангию фароғатӣ баргузор шуданд