Дар Тоҷикистон беш аз 200 ҳазор оилаи занбӯри асал парвариш меёбад
ДУШАНБЕ, 10.03.2025. /АМИТ «Ховар»/. Дар ҳамаи шаклҳои хоҷагидории ҷумҳурӣ 274,3 ҳазор оилаи занбӯри асал парвариш меёбад. Дар ин хусус ба АМИТ «Ховар» аз Вазорати кишоварзии Ҷумҳурии Тоҷикистон иттилоъ доданд.
Гуфта шуд, ки соли 2024 4882 тонна асал истеҳсол карда шуд, ки нисбат ба ҳамин давраи соли 2023 186 тонна ё 104 фоиз зиёд мебошад.
Ба иттилои мутахассисони соҳаи занбӯрпарварӣ, имсол аз моҳи январ бинобар хушк ва камбориш омадани ҳаво дар баъзе ноҳияҳои ҷануби мамлакат занбӯрон тухм гузоштаанд. Аллакай насли он дар парвоз мебошад.
Бояд гуфт, ки оилаи занбӯри асал асосан аз охирҳои моҳи март барои ҷамъоварии асал парвоз мекунад. Зеро дар ин давра бештари дарахтону буттаҳо гул менамоянд.
Ҳамасола дар ҷумҳурӣ шумораи оилаҳои занбӯри асал зиёд гардида, ҳамзамон истеҳсоли асали молӣ низ афзоиш ёфтааст. Соли 2024 содироти асали молӣ 3000 килограмм ва оилаҳои хурди занбӯри асал ба 500 оила расонида шуд.
Дар доираи амалишавии «Барномаи маҷмуии рушди соҳаи чорводорӣ дар Ҷумҳурии Тоҷикистон барои солҳои 2023-2027» аз ҳисоби буҷети давлатӣ ба Корхонаи воҳиди давлатии занбӯрпарварии «Асали Тоҷикистон» 100 оилаи хурди занбӯри асал ва 100 қуттӣ занбӯр ба занбӯриасалпарварони инфиродии шаҳру ноҳияҳои ҷумҳурӣ тақсим карда шуд.
Инчунин аз ҳисоби захираю имконияти корхона 90 оилаи хурди занбӯри асал бо ҳама таҷҳизот ва хӯрокворӣ тайёр карда, ба 3 нафар занбӯрпарварон барои такрористеҳсолкунӣ ба тариқи шартномаи дуҷониба дода шуд.
АКС: АМИТ «Ховар»
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Ҳукумати Тоҷикистон ҳамкориро бо созмонҳои молиявии байналмилалӣ бо мақсади ҷалби сармоя тақвият медиҳад
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
Байни шаҳри Хуҷанд ва Бонки аврупоии таҷдид ва рушд Ёддошти тафоҳум ба имзо расид
ТАЪСИСИ 5 ҲАЗОР ҶОЙҲОИ НАВИ КОР. Дар Тоҷикистон 4 корхонаи нави истеҳсоли семент ба истифода дода мешаванд
Раванди татбиқи лоиҳаҳои «Дастгирии соҳаи кишоварзӣ дар заминаи ҷомеа+» ва «Барқарорсозии низоми экологӣ ва устувории кишоварзӣ дар Тоҷикистон» баррасӣ шуд
Дар маҷлиси Ҳукумати Тоҷикистон масъалаи болобарии нархи семент баррасӣ шуд
Намояндагони Тоҷикистон дар чорабинии Ассамблеяи генералии 93-юми Созмони умумиҷаҳонии солимии ҳайвонот иштирок намуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
Ноҳияи Темурмалик нақшаи истеҳсоли пилларо пурра иҷро намуд
Раиси Суди Олии Тоҷикистон бо Раиси Суди иқтисодии Иттиҳоди Давлатҳои Мустақил мулоқот намуд
