Намояндаи Тоҷикистон дар Ҳафтаи идоракунии захираҳо-2025 дар Женева иштирок намуд
ДУШАНБЕ, 28.03.2025 /АМИТ «Ховар»/. Имрӯз дар шаҳри Женева Ҳафтаи идоракунии захираҳо-2025, ки дар доираи он иҷлосияи 16-уми Гурӯҳи коршиносон оид ба идоракунии захираҳо доир гардид, ба анҷом расид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Дар ин иҷлосияи сатҳи баланд аз Ҷумҳурии Тоҷикистон муовини Вазири энергетика ва захираҳои оби Ҷумҳурии Тоҷикистон Шарифа Худобахш иштирок намуда, дар мавзуи «Ноил шудан ба бетарафии карбон тавассути гузариши одилонаи энергетикӣ: нақши идоракунии захираҳо» сухан гуфт.
Ҳафтаи идоракунии захираҳо-2025 ва иҷлосияи 16-уми Гурӯҳи коршиносон оид ба идоракунии захираҳо, ки 24 март оғоз гардида буд, роҳбарони давлатҳо, коршиносон ва намояндагони созмонҳои байналмилалиро ба ҳам овард. Дар нишасти байналмилалӣ масъалаҳои марбут ба зарурати идоракунии устувори захираҳо дар шароити гузариши энергетикӣ ва афзоиши талабот ба маъданҳои муҳим баррасӣ гардиданд.
Муовини Вазири энергетика ва захираҳои об зимни суханронӣ аҳамияти рақамикунонӣ ва мутобиқгардонии низоми баҳодиҳии канданиҳои фоиданок, аз ҷумла нафту газро ба стандартҳои ҷаҳонӣ таъкид намуд. Мавсуф таҷрибаи Таснифоти канданиҳои фоиданок дар чорчӯбаи Созмони Милали Муттаҳидро саривақтӣ ва зарурӣ арзёбӣ намуда, онро ҳамчун механизми муассир барои таъмини шаффофият ва самаранокии идоракунии захираҳо арзёбӣ намуд.
АКС: Вазорати энергетика ва захираҳои оби Ҷумҳурии Тоҷикистон
Сохтмони хати барқии баландшиддати ҳавоӣ аз зеристгоҳи «Равшан» то зеристгоҳи «Шаҳринав-2» идома дорад
Корхонаҳои саноатии ноҳияи Мастчоҳ ба маблағи беш аз 356 миллион сомонӣ маҳсулот истеҳсол намудаанд
Татбиқи барномаҳои электронии идоракунӣ ва истифодаи технологияҳои рақамӣ дар фаъолияти соҳаи об баррасӣ шуд
Байни Хадамоти алоқаи Тоҷикистон ва ширкати «Jinda Anbang»-и Чин Ёддошти тафоҳум ба имзо расид
Шуруъ аз 1 феврали соли 2026 дар Тоҷикистон тарифҳои нави барқу гармӣ ҷорӣ карда мешавад
КАРТОШКАПАРВАРӢ. Кишоварзони вилояти Хатлон дар 8 ҳазор гектар картошка кишт менамоянд
Ба «Трести чарогоҳу мелиоративӣ»-и Вазорати кишоварзии Тоҷикистон ду мошини махсуси чорвокашонӣ дастрас шуд
Кабк «Парандаи сол-2026» интихоб гардид
ИСТИФОДАИ САМАРАНОКИ ЗАМИН. Дар ноҳияи Ҷайҳун ҷамъоварии ҳосили сабзӣ аз кишти такрорӣ идома дорад
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
