РОҲ БА СӮИ БИШКЕК. 14 март «Сомон Эйр» парвозҳоро аз Душанбе ба самти Бишкек оғоз менамояд
ДУШАНБЕ, 13.03.2025 /АМИТ «Ховар»/. Ширкати ҳавопаймоии «Сомон Эйр» шуруъ аз пагоҳ, 14 март парвозҳоро аз Душанбе ба Бишкек оғоз менамояд, иттилоъ медиҳад АМИТ «Ховар» бо истинод ба ин ширкат.
Ин иқдом бо шарофати гуфтушуниди муваффақонаи Сарони ҳарду давлат- Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Садир Жапаров, ки дар доираи сафари давлатии Президенти Тоҷикистон ба Бишкек доир гардид, амалӣ мешавад.
Барқарор намудани парвозҳои ҳавоӣ байни Тоҷикистон ва Қирғизистон тасмими муҳим дар таҳкими муносибатҳои дӯстона, инчунин робитаҳои иқтисодию фарҳангӣ байни Тоҷикистон ва Қирғизистон мебошад. Он ҳамзамон ба рушди сайёҳии ду давлати ҳамҷавор мусоидат менамояд.
Вақти парвоз аз Душанбе 14 марти соли 2025 соати 09:00, аз Бишкек соати 13:30 ба вақти маҳаллӣ муқаррар шудааст.
Тавре интизор меравад, минбаъд шуруъ аз 23 март парвозҳо ҳафтае як маротиба рӯзҳои якшанбе анҷом дода мешаванд. Вақти парвоз аз Душанбе соати 10:30 ва аз Бишкек соати 14:20 ба вақти маҳаллӣ мебошад. Давомнокии парвоз аз Душанбе ба самти Бишкек 1 соату 30 дақиқа, дар самти баргашт 1 соату 20 дақиқаро ташкил медиҳад.
Итминон аст, ки ояндаи наздик ширкат парвозҳоро дар хатсайри Душанбе – Бишкек – Душанбе то ду парвоз дар як ҳафта- рӯзҳои чоршанбе ва якшанбе анҷом диҳад. Парвозҳо ба тариқи ҳавопаймоҳои Боинг 737-800 ва Боинг 737-900 анҷом дода мешаванд.
«Ширкати ҳавопаймоии «Сомон Эйр» аз саҳмгузорӣ дар таҳкими ҳамкории Тоҷикистон ва Қирғизистон сарфароз мебошад. Мо аминем, ки оғози парвозҳо дар ин масир ба рушди соҳаи сайёҳӣ ва интиқол байни давлатҳо мусоидат менамояд», — гуфт директори генералии ширкати ҳавопаймоии «Сомон Эйр» Абдулқосим Валиев.
Ҷадвали парвозҳоро мусофирон метавонанд дар сомонаи ширкати ҳавопаймоӣ www.somonair.com, инчунин дар нуқтаҳои фурӯш ва аз агентҳои фурӯши чиптаҳои ҳавопаймо дастрас намоянд.
АКС аз манбаъҳои боз
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
