«Тоҷикаэронавигатсия» ва «Қирғизаэронавигатсия» ҳамкориро тақвият мебахшанд
ДУШАНБЕ, 18.03.2025 /АМИТ «Ховар»/. Байни Корхонаи воҳиди давлатии «Тоҷикаэронавигатсия» ва Корхонаи давлатии «Қирғизаэронавигатсия» Ёддошти тафоҳум оид ба ҳамкорӣ ба имзо расид, иттилоъ медиҳад АМИТ «Ховар» бо истинод ба «Тоҷикаэронаивгатсия».
Санади ҳамкориро аз ҷониби Тоҷикистон муовини аввали директори генералии Корхонаи воҳиди давлатии «Тоҷикаэронавигатсия» Даврон Шодмонбекзода ва аз ҷониби Қирғизистон директори генералии Корхонаи давлатии «Қирғизаэронавигатсия» Торокелдӣ Омуров ба имзо расонданд.
Имзои сандаи ҳамкорӣ натиҷаи гуфтушуниди муваффақонаи Сарони ду давлат – Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Садир Жапаров мебошад.
Ҳамзамон ҳайати «Тоҷикаэронавигатсия» бо роҳбарият ва мутахассисони «Қирғизаэронавигатсия» мулоқот намуда, масъалаҳои марбут ба барқарор намудани ҳамкорӣ дар таъмини хизматрасонии аэронавигатсионӣ, аз ҷумла ҳамкории Раёсатҳои хизматрасонии ҳаракати ҳавоӣ, Раёсати таъминоти радиотехникии парвозҳо ва алоқаи барқии авиатсионӣ ва марказҳои авиатсионии метеорологии Корхонаи воҳиди давлатии «Тоҷикаэронавигатсия» ва Корхонаи давлатии «Қирғизаэронавигатсия»-ро баррасӣ намуданд.
Ҷонибҳо ба мувофиқа расиданд, ки бо истифода аз фазои сулҳу ваҳдат минбаъд ҳамкории дуҷонибаи корхонаҳои аэронавигатсиониро тақвият мебахшанд.
Ҳамзамон намояндагони «Тоҷикаэронавигатсия» бо манораи муназзимии «Қирғизаэронавигатсия» ва раванди таъмини хизматрасонии аэронавигатсионии кишвари ҳамсоя шинос шуданд. Барқарор намудани ҳамкории корхонаҳои авиатсионии Тоҷикистон ва Қирғизистон ба рушди соҳаи авиатсияи ҳарду давлат такони ҷиддӣ бахшида, барои афзоиши парвозҳо тавассути ҳарими ҳавоии ду давлат заминаи мусоид фароҳам меорад.
АКС: «Тоҷикаэронавигатсия»
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд
